હળવદના ધાંગધ્રા રોડ અને ટંકારના જબલપુર રોડ ઉપર જુદાજુદા બે અકસ્માતમાં બે યુવાનોને ઇજા થતાં સારવારમાં

હળવદ ધાંગધ્રા હાઈવે રોડ ઉપર બાઇકને છોટા હાથીના ચાલકે હડફેટે લેતા અકસ્માત થયો હતો જેમાં ઇજા પામેલા યુવનને સારવારમાં ખસેડવામાં આવેલ છે જયારે ટંકારાના જબલપુર ગામના પાટીયા પાસે સ્કોર્પિયો ગાડીના ચાલકે બાઈકને હડફેટે લીધું હતું જેથી ઇજા પામેલા યુવાનને સારવારમાં ખસેડવામાં આવેલ છે અને હાલમાં ઇજા પામેલા યુવાનના પિતાએ ફરિયાદ નોંધાવેલ છે.

હળવદના ભવાનીનગર ઢોરો વિસ્તારમાં રહેતા શક્તિસિંહ બળવંતસિંહ વાઘેલા (33)એ છોટા હાથી નંબર જીજે 36 વી 7895 ના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે હળવદ ધાંગધ્રા હાઈવે રોડ ઉપરથી સાહેદ પોતાનું બાઈક નંબર જીજે 13 એન 7314 લઈને પસાર થઈ રહ્યા હતા અત્યારે છોટા હાથીના ચાલકે સાહેદના બાઇકને હડફેટે લીધું હતું જેથી અકસ્માત થયો હતો અને આ બનાવમાં સાહેદને બંને પગમાં ફેક્ચર જેવી ઈજા થઈ હોવાથી તેને સારવારમાં લઈ જવામાં આવ્યો હતો અને હાલ યુવાને નોંધાવેલ ફરિયાદ આધારે પોલીસે ગુનો નોંધી આગળની કાર્યવાહી હાથ ધરી છે 

ટંકારાના કલ્યાણપર રોડ ઉપર આવેલ સરાણિયા વાસમાં રહેતા ગુલમામદભાઈ દરિયાખાન ચૌહાણ (68)એ સ્કોર્પિયો ગાડી નંબર જીજે 36 એઆર 0686 ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે તેનો દીકરો જીગર ગુલમામદભાઈ ચૌહાણ પોતાનું બાઈક નંબર જીજે 36 બીસી 4146 લઈને ટંકારા તાલુકાના જબલપુર ગામના પાટીયા પાસેથી પસાર થઈ રહ્યો હતો ત્યારે સ્કોર્પિયો ગાડીના ચાલકે તેના બાઈકને હડફેટે લીધું હતું અને અકસ્માત કર્યો હતો જે બનાવમાં ફરિયાદીના દીકરાને હાથે, પગે અને શરીરે ગંભીર ઇજાઓ થઈ હતી જેથી તેને સારવાર માટે હોસ્પિટલે લઇ ગયા હતા ત્યારબાદ ઇજાગ્રસ્ત યુવાનના પિતાએ નોંધાવેલ ફરિયાદ આધારે પોલીસે સ્કોર્પિયોના ચાલક સામે ગુનો નોંધી આરોપીને પકડવા માટે કદી શરૂ કરેલ છે