ટંકારાના મીતાણા પાસે આખલા સાથે બાઇક અથડાતાં સર્જાયેલ અકસ્માતમાં યુવાનનું મોત
SHARE
JOIN OUR GROUP
ટંકારાના મીતાણા પાસે આખલા સાથે બાઇક અથડાતાં સર્જાયેલ અકસ્માતમાં યુવાનનું મોત
ટંકારાના મીતાણાથી ગણેશપર ગામ તરફ જવાના રસ્તા ઉપરથી યુવાન બાઇક લઈને પસાર થઈ રહ્યો હતો ત્યારે તેના બાઇકની આડે આખલો આવ્યો હતો અને આખલા સાથે બાઈક અથડાયું હતું જેથી અકસ્માતનો બનાવ બનેલ હતો જે બનાવમાં ઈજા પામેલ યુવાનને સારવાર માટે ટંકારાની હોસ્પિટલે લઈને આવ્યા હતા ત્યાં ફરજ પરના ડોક્ટરે યુવાનને જોઈ તપાસીને મૃત જાહેર કર્યો હતો અને આ બનાવની ટંકારા તાલુકા પોલીસ સ્ટેશન ખાતે જાણ કરતા પોલીસ આગળની કાર્યવાહી હાથ ધરી છે
મૂળ એમપીનો રહેવાસી અને હાલમાં ટંકારા તાલુકાના મીતાણા ગામની સીમમાં હરકાંતભાઇ ગજેરાની વાડીએ રહીને મજૂરી કામ કરતો મોનાભાઇ તેનુભાઇ પસાયા (18) નામનો યુવાન મીતાણાથી ગણેશપર ગામ તરફ જવાના રસ્તા ઉપર આવેલ ફેન્સ પોલિપેક નજીકથી બાઈક નંબર એમપી 45 એમક્યૂ 6758 લઈને પસાર થઈ રહ્યો હતો ત્યારે તેના બાઈકની આડે અચાનક આખલો આવતા બાઈક આખલા સાથે અથડાયું હતું અને અકસ્માત થયો હતો જે બનાવમાં ઈજા પામેલ યુવાનને સારવાર માટે પ્રથમ ટંકારાની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તે યુવાનને જોઈ તપાસીને મૃત જાહેર કર્યો હતો અને ત્યારબાદ આ બનાવની રાકેશભાઈ ભુવાનભાઇ પસાયા (40) રહે. હાલ સરાયા ગામની સીમમાં કરસનભાઈની વાડીએ મૂળ રહે. એમપી વાળાએ ટંકારા તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
