હળવદમાં બોલાચાલી કરનાર શખ્સને સમજાવવા ગયેલા યુવાનને બે શખ્સોએ ધોકા અને પાઇપ વડે મારમાર્યો

હળવદના ભવાની નગર ઢોરો ત્રણ માળીયા નજીક રહેતો યુવાન અન્ય વ્યક્તિ સાથે બોલાચાલી કરનારને સમજાવવા માટે ગયો હતો જે બાબતનું મન દુઃખ રાખીને સામે વાળા યુવાનના ઘર પાસે આવ્યા હતા અને યુવાનને ગાળો આપીને પાઇપ વડે કપાળના ભાગે માર માર્યો હતો તેમજ શરીરે ધોકા વડે માર મારીને ઇજાઓ કરી હતી અને જાનથી મારી નાખવાની ધમકી આપી હતી જેથી ઇજા પામેલા યુવાને સારવાર લીધા બાદ નોંધાવેલ ફરિયાદ આધારે પોલીસે બે શખ્સોની સામે ગુનો નોંધી આરોપીને પકડવા માટે તજવીજ શરૂ કરેલ છે

હળવદના ભવાનીનગર ઢોરા પાસે આવેલ ત્રણ માળિયા નજીક રહેતા રાકેશભાઈ ધનજીભાઈ ધામેચા (38) એ મેહુલભાઈ ઉર્ફે મેહલો દિનેશભાઈ કોળી તથા દિનેશભાઈ કોળી રહે.બંને ભવાનીનગર ઢોરો હળવદ વાળા સામે ફરિયાદ નોંધાવી છે જેમાં તેને જણાવ્યું છે કે મેહુલભાઈ તથા સાહેદ વચ્ચે બોલાચાલી થયેલ હતી અને ફરિયાદી આરોપીને સમજાવવા માટે જતા તેનું મન દુઃખ રાખીને આરોપીએ ફરિયાદીના ઘર પાસે આવીને બોલાચાલી કરી હતી અને ગાળો આપી હતી તેમજ મેહુલભાઈએ હાથમાં રહેલ પાઇપથી ફરિયાદીને કપાળના ભાગે માર મારીને ગંભીર ઇજા કરી હતી જ્યારે દિનેશભાઈએ હાથમાં રહેલ ધોકા વડે યુવાનને માર મારીને ઇજા કરી હતી અને આરોપીઓએ ફરિયાદીને જાનથી મારી નાખવાની ધમકી આપી હતી. જેથી ઇજા પામેલ યુવાનને સારવાર માટે હોસ્પિટલે લઇ ગયા હતા અને ત્યારબાદ તેને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.