મોરબીના જાંબુડીયા નજીક કારખાનાના માટી ખાતામાં લોડરના ચાલકે હડફેટે લેતા ઇજા પામેલા યુવાનનું મોત

મોરબીના જાંબુડીયા ગામ પાસે કારખાનામાં માટી ખાતામાં યુવાન કામ કરી રહ્યો હતો ત્યારે લોડરના ચાલકે યુવાનને હડફેટે લેતા અકસ્માત થયો હતો અને આ બનાવમાં યુવાનને માથા અને પેટના ભાગે ગંભીર ઇજા થઈ હોવાથી તેનું મોત નીપજ્યું હતું જે બનાવ સંદર્ભે હાલમાં મૃતક યુવાનના પિતાએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે

મૂળ મધ્યપ્રદેશના રહેવાસી પાનસિંહ ગણેશભાઈ ભીલ (40) એ લોડર નંબર જીજે 36 એસ 3026 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યુ છે કે, મોરબીના જાંબુડીયા ગામની સીમમાં આવેલ કલેરોક સિરામિક કારખાનામાં તેમનો દીકરો નારાયણસિંહ ભીલ (20) માટી ખાતાની અંદર કામ કરી રહ્યો હતો દરમિયાન કામ કરતાં સમયે લોડરના ચાલકે ફરિયાદીના દીકરાને હડફેટે લેતા તેને માથા તેમજ પેટના ભાગે ગંભીર ઇજા થઈ હતી જેથી નારાયણસિંહનું મોત નિપજ્યું હતું ત્યારબાદ તેના મૃતદેહને પીએમ માટે હોસ્પિટલે લઈને આવ્યા હતા અને આ બનાવ  સંદર્ભે મોરબી તાલુકા પોલીસ સ્ટેશન ખાતે મૃતક યુવાનના પિતાએ નોંધાવેલ ફરિયાદ આધારે પોલીસે લોડર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.