વાંકાનેર શહેરમાં કરવામાં આવેલ જુગારની બે રેડમાં 10 શખ્સો પકડાયા

વાંકાનેર શહેરની સિપાઈ શેરીમાં તેમજ રાજાવડલા ગામ પાણીની કેનાલ પાસે જુગારની જુદી જુદી બે રેડ કરવામાં આવી હતી દરમિયાન કુલ મળીને 10 શખ્સો જુગાર રમતા મળી આવ્યા હોય પોલીસે તેની ધરપકડ કરી હતી અને વાંકાનેર સીટી પોલીસ સ્ટેશન ખાતે જુગારના બે ગુના નોંધીને પોલીસ આગળની રાબેતા મુજબની કાર્યવાહી હાથ ધરી છે

વાંકાનેર સિટી પોલીસની ટીમ પેટ્રોલિંગમાં હતી ત્યારે સિપાઈ શેરી ખુલ્લી જગ્યામાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી મુકેશભાઈ ભોગીલાલ શાહ (59), જયેશભાઈ હરગોવિંદભાઈ મજેઠીયા (59), વિપુલભાઈ ચંદ્રકાંતભાઈ કોટેચા (50), ઈસ્માઈલભાઈ ઇબ્રાહીમભાઇ સુમરા (50) અને આસિફભાઇ ઇકબાલભાઈ માડકીયા (28) જુગાર રમતા મળી આવ્યા હોય પોલીસે તેની પાસેથી 18,050 રૂપિયાની રોકડ કબજે કરી હતી અને વાંકાનેર સીટી પોલીસ સ્ટેશન ખાતે ગુનો નોંધી રાબેતા મુજબની કાર્યવાહી હાથ ધરી છે જ્યારે બીજી જુગારની રેડ નવા રાજાવડલા ગામે પાણીની કેનાલ પાસે જાહેરમાં કરવામાં આવી હતી ત્યારે ત્યાં જુગાર રમતા રહીમભાઈ અબ્દુલભાઈ માથકિયા (44), અલ્તાફભાઈ આમદભાઈ બ્લોચ (38), મહેબુબભાઇ આદમભાઈ શેરસીયા (46), નજરહુસેન વલીમામદ શેરસીયા (44) અને રમેશભાઈ અમુભાઈ સારલા (36) જુગાર રમતા મળી આવ્યા હોય પોલીસે તેની પાસેથી 34,700 ની રોકડ કબજે કરી હતી અને વાંકાનેર સિટી પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે.