મોરબી દારૂના ગુન્હામાં છેલ્લા ત્રણેક માસથી ફરાર રીઢા ગુનેગારને પેરોલ ફર્લો સ્કોડે દબોચ્યો
SHARE
JOIN OUR GROUP
મોરબી દારૂના ગુન્હામાં છેલ્લા ત્રણેક માસથી ફરાર રીઢા ગુનેગારને પેરોલ ફર્લો સ્કોડે દબોચ્યો
મોરબી બી ડિવિઝન પોલીસ મથકના દારૂના ગુન્હામાં છેલ્લા ત્રણેક માસથી ફરાર રીઢા ગુનેગારને પેરોલ ફર્લો સ્કોડે દબોચી લીધો હતો.મોરબી એલસીબી-પેરોલ ફર્લો સ્કવોડ પેટ્રોલીંગમાં હતો.તે દરમ્યાન ખાનગીરાહે બાતમી મળેલ કે, મોરબી સીટી બી ડિવિઝન પોલીસ સ્ટેશને નોંધાયેલા દારૂના ગુનામાં ત્રણ મહિનાથી ફરાર હિતેષભાઇ ઉર્ફે વિપુલ ઉર્ફે ટકો રાજુભાઇ મુંધવા ભરવાડ (ઉ.વ.૨૭) રહે.કુબેરટોકીઝ પાછળ ધાર ઉપર તા.જી.મોરબી મુળ રહે.ચીખલી તા.માળીયા(મીં)જી.મોરબી મળી આવતા તેની અટકાયત કરીને તરપાસના કામે બી ડિવીઝન પોલીસ હવાલે કર્યો હતો.
દારૂના ચપલા સાથે પકડાયા
મોરબી સીટી બી ડિવિઝન પોલીસ સ્ટાફે બાતમીને આધારે શહેરના સામાકાંઠે આવેલ રામકૃષ્ણનગરમાં ડીલક્ષ પાન વાળી શેરીમાં આવેલ મકાનમાં રેડ કરી હતી.ત્યારે ત્યાં ઘરમાંથી દારૂના ૩૫ ચપલા મળી આવતા રૂપિયા ૪૯૩૫ ની કિંમતનો દારૂ પકડ્યો હતો અને તેમાં નવઘણ ઉર્ફે ભોલો મનુભાઈ ડુંગરાનું નામ ખુલતા તેને પકડવા માટે પોલીસ દ્વારા ચક્રો ગતિમાન કરાયા હતા.તેમજ મોરબી તાલુકા પોલીસ સ્ટાફે વોચ તપાસ ગોઠવી હતી અને પેટ્રોલિંગ દરમિયાન તાલુકાના તળાવીયા શનાળા ગામે બાવળની કાટ નજીક શંકાસ્પદ જણાતા વ્યક્તિને પકડીને તેની ઉલટ તપાસ કરતા તેની પાસેથી દારૂના ૧૭ ચપલા (નાની બોટલ) મળી આવ્યા હતા.જેથી રૂપિયા ૧૩૬૦ ની કિંમતના દારૂ સાથે રોહિત રાજેશ કગથરા કોળી (૧૯) રહે. તળાવીયા શનાળા તા.મોરબી ને પકડીને તેની સામે ધોરણસરની કાર્યવાહી કરી હતી.
