હળવદના કડીયાણા ગામે જુગાર રમતા 5 શખ્સો 57,600 ની રોકડ સાથે પકડાયા

હળવદના કડીયાણા ગામની સીમમાં જાહેરમાં જુગાર રમતા હોવાની હકીકત આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી પાંચ શખ્સો જુગાર રમતા મળી આવ્યા હોય પોલીસે 57,600 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

હળવદ તાલુકા પોલીસ સ્ટેશનની ટિમ પેટ્રોલીંગમાં હતી ત્યારે મળેલ બાતમી આધારે કડીયાણા ગામની સીમમાં પાંડાતીર્થ ગામ તરફ જવાનો રસ્તા ઉપર ક્રિકેટના મેદાન પાસે જાહેરમાં જુગાર રમતા હતા ત્યાં જુગારની રેડ કરવામાં આવી હતી ત્યારે સ્થળ ઉપરથી કરસનભાઈ વાઘજીભાઈ ઉડેચા રહે. નવા કડીયાણા, રાયમલભાઈ શેલાભાઈ ઠુંગા રહે. કડીયાણા, બીપીનભાઈ જગદીશભાઈ માકાસણા રહે. ચરાડવા, ભુપતભાઈ ચતુરભાઈ માકાસણા રહે. ચરડવા અને ભવાનભાઈ વિરમભાઈ સરૈયા રહે દેવીપુર વાળા જુગાર રમતા મળી આવ્યા હોય પોલીસે તેની પાસેથી 57,600 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી છે.

દારૂના ગુનામાં આરોપી પકડાયો

મોરબી બી ડિવિઝન પોલીસ સ્ટેશનમાં નોંધાયેલા દારૂના ગુનામાં છેલ્લા દોઢ વર્ષથી આરોપી નાસતો ફરતો હોય તેને પકડવા માટેની તજવીજ ચાલુ હતી દરમિયાન એલસીબીની ટીમ દ્વારા આરોપી હરેશકુમાર રવજીભાઈ ઝાપડિયા (30) રહે. કુવાડવા શિવધારા સોસાયટી મૂળ રહે. નાળિયેરી તાલુકો ચોટીલા વાળાને કુવાડવા ચોકડી માધવ હોટલ પાસેથી પકડવામાં આવેલ છે અને આગળની કાર્યવાહી માટે આરોપીને બી ડિવિઝન પોલીસ હવાલે કરવામાં આવેલ છે