મોરબીમાંથી અપહરણ કરાયેલ સગીરાને પોલીસ ન શોધી શકતા હાઇકોર્ટમાં હેબીયર્સ કોપર્સ દાખલ
Morbi Today
મોરબી જિલ્લામાં હથિયારબંધી તથા લોકોને ભેગા થવા પર પ્રતિબંધ મુક્તા જાહેરનામા પ્રસિધ્ધ
SHARE
JOIN OUR GROUP
મોરબી જિલ્લામાં હથિયારબંધી તથા લોકોને ભેગા થવા પર પ્રતિબંધ મુક્તા જાહેરનામા પ્રસિધ્ધ
મોરબી જિલ્લાની પ્રવર્તમાન પરિસ્થિતિમાં કાયદો અને વ્યવસ્થા તથા લોકોના જાનમાલની સલામતી જળવાઇ રહે અને કોઇ અનિચ્છનીય બનાવો બનવા ન પામે તે માટે મોરબી જિલ્લાના અધિક જિલ્લા મેજીસ્ટ્રેટ એન.કે. મુછાર દ્વારા જાહેરનામુ બહાર પાડી મોરબી જિલ્લાના સમગ્ર વિસ્તારમાં તા.૩૧/૩/૨૨ સુધી હથિયારબંધી ફરમાવેલ છે.
આ જાહેરનામામાં જણાવ્યા અનુસાર હથિયાર, તલવાર, ભાલા, બંદુક, છરી, લાકડી કે લાઠી, શસ્ત્રો, સળગતી મશાલ, બીજા હથિયારો કે જેના વડે શારીરિક ઇજા કરી શકાય તે સાથે રાખી ફરવા ઉપર મનાઇ છે. પથ્થરો અથવા ફેંકી શકાય તેવી બીજી વસ્તુઓ અથવા તેવી વસ્તુઓ ફેંકવાની કે ધકેલવાની અથવા સાધનો લઇ જવા, એકઠા કરવા અથવા તૈયાર કરવા જેવા કૃત્ય પર પ્રતિબંધ ફરમાવવામાં આવ્યો છે. આ ઉપરાંત મનુષ્યો અથવા શબો અથવા આકૃતિઓ અથવા પુતળા દેખાડવાની, જેનાથી સુરુચિ અથવા નિતિઓનો ભંગ થાય તેવા ભાષણ કરવાની તથા ભેદભાવ અથવા ચેષ્ટા કરવા તથા તેવા ચિત્રો, પ્લેકાર્ડ પત્રિકા અથવા બીજા કોઇ પદાર્થો અથવા વસ્તુઓ તૈયાર કરવા તથા બતાવવા અથવા ફેલાવો કરવા પર પ્રતિબંધ ફરમાવવામાં આવ્યો છે. આ જાહેરનામાનો ભંગ કરનાર ગુજરાત પોલીસ અધિનિયમની કલમ – ૧૩૫ હેઠળ શિક્ષાને પાત્ર છે.
લોકોને ભેગા થવા પર પ્રતિબંધ
મોરબી જિલ્લામાં હાલની પ્રવર્તમાન પરિસ્થિતિ ધ્યાને લેતા નોવેલ કોરોના વાઇરસ (COVID-૧૯)નું સંક્રમણ અટકાવવા તેમજ આમ જનતા દ્વારા સભા, સરઘસ, આંદોલન, રેલીની શક્યતા હોય, આ સમય દરમિયાન મોરબી જિલ્લામાં જાહેર સુલેહ શાંતિ તથા કાયદો અને વ્યવસ્થા જળવાઇ રહે તે હેતુસર મોરબી જિલ્લાના અધિક જિલ્લા મેજીસ્ટ્રેટ એન.કે. મુછાર દ્વારા મોરબી જિલ્લાના સમગ્ર વિસ્તારમાં તા.૩૧/૩/૨૨ સુધી સક્ષમ અધિકારીની મંજૂરી વિના જાહેર સ્થળોએ અનઅધિકૃત રીતે/ગેરકાયદેસર રીતે ચાર કરતા વધુ વ્યકિતઓએ એકત્રિત થવા પર કે કોઇ સભા ભરવા પર કે સરઘસ કાઢવા ઉપર પ્રતિબંઘ ફરમાવેલ છે.
સીક્યુરીટી ફોર્સમાં ભરતી
સેન્ટ્રલ ઈન્ડસ્ટરીયલ સીક્યુરીટી ફોર્સ (CISCISFF) ન્યુ દિલ્હી દ્વારા સ્પોર્ટ ક્વાટામાં હેડ કોસ્ટેબલ(જનરલ ડિયુટી) ની ભરતી કરવા જાહેરાત પ્રસિદ્ધ થયેલ છે અને ધો.૧૨ પાસની લાયકાત ધરાવતા તથા તા.૧/૦૮/૨૦૨૧ ના રોજ ૧૮ થી ૨૩ વર્ષની ઉમર ધરાવતા તથા ૨૦૧૯ થી ૨૦૨૧ વચ્ચે સ્પોર્ટ ક્વાટામાં રાષ્ટ્રીય કક્ષાએ/ રાજય કક્ષાએ ભાગ લીધેલ હોય કે રાષ્ટ્રીય વિશ્વ વિદ્યાલય કક્ષાએ કે આંતર વિશ્વ વિદ્યાલય કક્ષાએ મેડલ મળેલ હોય તેઓ અરજીપાત્ર છે અને અરજીપત્રક માટે વેબસાઈટ http://www.cisfrectt.in સર્ચ કરવા તેમજ વધુ વિગત માટે રોજગાર વિનિમય કચેરી મોરબીનો અથવા રોજગાર સેતુ હેલ્પલાઇન નં. ૬૩૫૭૩ ૯૦૩૯૦ ઉપર સંપર્ક કરવા માટે રોજગાર અધિકારીએ અનુરોધ કર્યો છે
