મોરબીના બંધુનગર પાસે માટેલિયા નદીમાથી અજાણ્યા યુવાનની લાશ મળી

મોરબી નજીકના બંધુનગર ગામ પાસે આવેલ માટેલિયા નદીના વેણમાંથી અજાણ્યા પુરૂષની લાશ મળી આવી હતી જેથી કરીને આ બનાવની મોરબી તાલુકા પોલીસને જાણ કરવામાં આવી હતી અને પોલીસે લાશને પીએમ માટે સિવિલ હોસ્પિટલ ખાતે ખસેડી અજાણ્યા પુરુષની ઓળખ મેળવવા માટે થઈને હાલમાં તજવીજ શરૂ કરેલ છે 

બનાવની જાણવા મળતી વિગતો પ્રમાણે મોરબી નજીકના બંધુનગર ગામની સીમમાંથી માટેલિયા નદી પસાર થાય છે જેના વેણમાંથી અજાણ્યા પુરૂષની લાશ મળી આવી હતી જેથી કરીને આ બનાવની મોરબી તાલુકા પોલીસ જાણ કરવામાં આવતા પોલીસ ઘટનાસ્થળે પહોંચી હતી અને પાણીના વેણમાંથી યુવાનના મૃતદેહને બહાર કાઢવામાં આવ્યો હતો અને અંદાજે ૩૦થી ૩૫ વર્ષના યુવાનની લાશ હોવાનું પોલીસ સૂત્રોમાંથી જાણવા મળેલ છે વધુમાં પોલીસના ખેવા મુજબ મૃતક યુવાનના ડાબા હાથના બાવડા ઉપર “રાધે બાબા” તથા જમણા હાથના બાવડા ઉપર “બાબુલાલ” ત્રોફાવેલ છે અને શરીરે પેન્ટ તથા ટી-શર્ટ પહેરેલ છે તેની ઓળખ હજુ સુધી થયેલ નથી અને કોઇ આધાર પુરાવો મળી શકેલ નથી જેથી કરીને આ મૃતક યુવાનની ઓળખ મેળવવા માટે હાલમાં પોલીસ દ્વારા જુદી જુદી દિશામાં તપાસ શરૂ કરવામાં આવે છે