હળવદમાં ફ્રેન્ડ્સ યુવા સેવા ગ્રુપ જુદાજુદા વિસ્તારમાં ઠંડા પાણીના જગ મુકાશે
Morbi Today
મોરબીના જુના ઘુટુ રોડે રાહદારી વૃદ્ધને ક્રેઇનના ચાલકે અડફેટે લીધા: ગુનો નોંધાયો
SHARE
JOIN OUR GROUP
મોરબીના જુના ઘુટુ રોડે રાહદારી વૃદ્ધને ક્રેઇનના ચાલકે અડફેટે લીધા: ગુનો નોંધાયો
મોરબીના જુના ઘુટુ રોડ પાસાં પાસેથી ચાલીને જતા વૃદ્ધને ક્રેઇનના ચાલકે અડફેટે લીધા હતા અને ક્રેઇનનું ટાયર વૃદ્ધના જમણા પગના પંજા ઉપર ફરી વળ્યું હતું જેથી ઇજા પામેલા વૃદ્ધને સારવારમાં ખસેડવામાં આવ્યા હતા અને ઇજા પામેલા વૃદ્ધના દીકરાએ હાલમાં ફરિયાદ નોંધાવતા પોલીસે ક્રેઇન ચાલક સામે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી વિગત પ્રમાણે મૂળ જામનગર જિલ્લાના સામપર ગામના રહેવાસી અને હાલમાં મોરબીના સામાકાંઠા વિસ્તારમાં આવેલ કાંતિનગરમાં રહેતા મુકેશભાઈ અનુભાઈ સોલંકી (ઉંમર ૩૭) એ હાલમાં ક્રેઇન નંબર જીજે ૧૨ એએન ૧૭૦૮માં ચાલકની સામે મોરબી સીટી બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે તેઓના પિતા અનુભાઈ સવસીભાઈ સોલંકી મોરબીના જુના ઘુટુ રોડ ઉપર સ્મશાન પાસેથી ચાલીને કચરો વિણવા માટે જતા હતા દરમિયાન ક્રેઇનના ચાલકે તેનું વાહન બેફીકરાઈથી ચલાવીને તેના પિતાને અડફેટે લીધા હતા અને તેના જમણા પગના પંજા ઉપરથી ક્રેઇનનું ટાયર ફેરવી દીધું હતું અને ત્યાંથી નાસી ગયો હતો જેથી કરીને હાલમાં પોલીસે ભોગ બનેલા વૃદ્ધના દિકરાની ફરિયાદ લઈને ક્રેઇનના ચાલકની સામે ગુનો નોંધી આરોપીને પકડવા માટે તજવીજ શરૂ કરેલ છે
