માળીયા (મિં.)ના પંચવટી ગામ પાસે અકસ્માત બાદ ઇકો કાર અગનગોળો બનતા કારમાં સૂતેલા યુપીના બે યુવાન ભડથુ
SHARE
JOIN OUR GROUP
માળીયા (મિં.) ના પંચવટી ગામ પાસે અકસ્માત બાદ ઇકો કાર અગનગોળો બનતા કારમાં સૂતેલા યુપીના બે યુવાન ભડથુ
મોરબી માળીયા હાઈવે ઉપર પંચવટી ગામના પાટિયા પાસેથી પસાર થતી ઇકો કાર આગળના ભાગમાં જતા અજાણ્યા ટ્રકની પાછળ ભટકાઇ હતી જેથી કરીને કારમાં આગ લાગી હતી ત્યારે કારમાં બેઠેલ વ્યક્તિઓ પૈકીનાં મૂળ યુપીના રહેવાસી બે યુવાન આગમાં ભડથું થઈ ગયા હતા અને ફરિયાદી યુવાન તેમજ ડ્રાઈવરને ઈજા થઈ હતી જેથી કરીને હાલમાં ભોગ બનેલા મૂળ યુપીના યુવાને કારચાલકની સામે માળિયા (મી) તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે આગળની કાર્યવાહી હાથ ધરી છે
બનાવની જાણવા મળતી વિગતો પ્રમાણે મૂળ ઉત્તરપ્રદેશના આગ્રાના રહેવાસી અને હાલમાં રાજકોટના કાલાવડ રોડ ઉપર એવરેસ્ટ પાર્ક શેરી નંબર-૨ ની અંદર રહેતા અતુલભાઇ જગદીશભાઈ શર્મા જાતે તિવારી બ્રાહ્મણ (ઉંમર ૨૨) એ કાર નંબર જીજે ૩ એલબી ૪૩૮૦ ના ચાલક ગોપાલભાઈ મગનભાઇ રામાનુજ રહે. રાજકોટ વાળાની સામે માળિયા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે, મોરબી માળીયા હાઈવે ઉપર પંચવટી ગામના પાટિયા પાસેથી ઇકો કારના ચાલક પોતાની કાર લઇને જઇ રહ્યા હતા ત્યારે ફરિયાદી અને તેની સાથે સંતોષકુમાર રામસિંહ પરમાર (ઉમર ૨૪) અને દિવાકરભાઇ સોરણસીંગ ચૌહાણ (ઉંમર ૨૮) રહે, બંને મૂળ યુપી હાલ કાલાવાડ રોડ એવરેસ્ટ પાર્ક શેરી નંબર-૨ વાળા બેઠા હતા ત્યારે કારના ચાલક ગોપાલભાઈ મગનભાઈ રામાનુજે પોતાની કાર બેફીકરાઈથી ચલાવીને આગળના ભાગમાં જઈ રહેલા અજાણ્યા ટ્રકની પાછળ ધડાકાભેર કારને અથડાવી હતી જેથી કારચાલક ગોપાલભાઈને પોતાના પગે ઈજા થઈ હતી અને ફરિયાદી અતુલભાઇને ખભામાં ઇજા થઇ હતી જો કે, કારમાં આગ લગતા અંદર સૂતેલા સંતોષકુમાર રામસિંહ પરમાર (ઉમર ૨૪) અને દિવાકરભાઇ સોરણસીંગ ચૌહાણ (ઉંમર ૨૮) કારની સાથે આગમાં ભડથું થઇ ગયા હતા જેથી કરીને તે બંનેના મોત નિપજ્યા હતા.આ બનાવમાં હાલમાં કારચાલકની સામે ગુનો નોંધીને પોલીસે ગુનો નોંધીને આગળની કાર્યવાહી હાથ ધરી છે
કારમાં નુકશાન
મોરબી કંડલા નેશનલ હાઈવે ઉપર ખીરઈ ગામના પુલ પાસે કાર ચાલક હાજીભાઇ મહમદઅલીભાઈ જેડા જાતે મિયાણા પોતાની બ્રેઝા કાર નંબર જીજે ૩૬ આર ૦૧૪૭ લઈને જઈ રહ્યા હતા ત્યારે ટ્રેલર નંબર જીજે ૧૨ બીએક્સ ૬૮૯૦ ના ચાલકે તેનું ટ્રેલર કારમાં અથડાવ્યું હતું જેથી કારમાં નુકસાન કર્યુ હતું માટે હાજીભાઇની ફરિયાદ લઈને પોલીસે ટ્રેલર ચાલક સામે ગુનો નોંધી આગળની કાર્યવાહી હાથ ધરેલ છે
