મોરબીમાં સર્કીટ હાઉસ પાસે ઓરડીમા મહિલાની હત્યા કરીને પુરુષ કરી આત્મહત્યા !
Morbi Today
મોરબીના લાલપર ગામના ઝાંપા પાસે ૧૭ ચોરાઉ મોબાઈલ સાથે યુપીના બે શખ્સ ઝડપાયા
SHARE
JOIN OUR GROUP
મોરબીના લાલપર ગામના ઝાંપા પાસે ૧૭ ચોરાઉ મોબાઈલ સાથે યુપીના બે શખ્સ ઝડપાયા
મોરબી તાલુકાનાં લાલપર તથા લખધીરપુર વિસ્તારમાં આવેલ કારખાના મજુરોની ઓરડીઓમાંથી છેલ્લા થોડા સમયથી મોબાઈલ ફોનની ચોરીઓ કરવામાં આવતી હતી તેવામાં આજે એલસીબીની ટીમે ચોરી કે છળકપટથી મેળવેલ ૧૭ મોબાઇલ ફોન જેની કિંમત ૮૫,૦૦૦ ના મુદામાલ સાથે હાલમાં મોરબીના સિરામિકના કારખાનામાં રહેતા અને મૂળ યુપીના બે શખ્સની ધરપકડ કરેલ છે
મોરબી એલસીબીના પીઆઇ વી.બી.જાડેજાના માર્ગદર્શન હેઠળ એલ.સી.બી.ની ટીમ કામ કરી રહી છે અને એલસીબીના રજનીકાંતભાઇ કૈલા, સંજયભાઇ પટેલ, અશોકસિંહ ચુડાસમાને હકિકત મળેલ કે મોરબી નજીકના લાલપર ગામના ઝાંપા પાસે નેશનલ હાઇવે રોડ ઉપરથી બે ઇસમો કે જે ચોરી કે છળકપટથી મેળવેલ મોબાઇલ ફોન વેચવા કે સગેવગે કરવા માટે આવી રહ્યા છે જેથી કરીને વોચ રાખવામા આવી હતી ત્યારે બે ઇસમો મોબાઇલ ફોન સાથે મળી આવ્યા હતા જેઓને રોકી તેની પુછપરછ કરી હતી ત્યારે તેઓની પાસે રહેલ ચીજવસ્તુ ચેક કરતા અલગ અલગ કંપનીના કુલ ૧૭ મોબાઇલ ફોન મળી આવ્યા હતા
જેથી કરીને તે શખ્સોની મોબાઇલ ફોન બાબતે સઘન પુછપરછ કરતા આ મોબાઇલ તેઓએ અલગ અલગ તારીખ સમયે લાલપર તથા લખધીરપુર વિસ્તારમાં આવેલ કારખાના મજુરોની ઓરડીઓમાંથી ચોરી કે છળકપટથી સેરવીને મેળવેલ હોવાનું જણાવ્યુ હતું જેથી પોલીસે ૧૭ મોબાઈલ જેની કિંમત ૮૫,૦૦૦ ના મુદ્દામાલ સાથે વિકાસ બીગનભાઇ પાસવાન (ઉ.૨૧) અને કૌશલકુમાર દેવપ્રસાદ પાસવાન (ઉ.૧૯) રહે. બંને રહે. સીનીયર સીરામીક કારખાનાની ઓરડીમાં લાલપર મુળ રહે. મરાહનાપુર તારૂપેઢીયા (ઉત્તરપ્રદેશ) ની ધરપકડ કરવામાં આવેલ છે આમ અલગ અલગ કારખાનાની મજુરોની ઓરડીમાંથી નજર ચૂકવી મોબાઇલ ચોરી કરતા બે ઇસમોને પકડી પાડવામાં આવેલ છે આ કામગીરી પીઆઇની સૂચના મુજબ રજનીકાંતભાઇ કૈલા, સંજયભાઇ પટેલ, દિલીપચૌધરી, શકિતસિંહ ઝાલા, જયેશભાઇ વાઘેલા, અશોકસિંહ ચુડાસમા, સતિષભાઇ કાંજીયા દ્વારા કરવામાં આવી છે
