વાંકાનેરમાં યુવાનને રાતે અઢી વાગ્યે ફોન કરીને માંગી પાંચ લાખની ખંડણી
Morbi Today
હળવદના પાંડાતિરથમાં ઘરે આવેલા ત્રણ શખ્સોને જવાનું કહેતા યુવાનને પાઇપ અને ધોકા વડે માર માર્યો
SHARE
JOIN OUR GROUP
હળવદના પાંડાતિરથમાં ઘરે આવેલા ત્રણ શખ્સોને જવાનું કહેતા યુવાનને પાઇપ અને ધોકા વડે માર માર્યો
હળવદના પાંડાતિરથ ગામે રહેતા યુવાને તેના ઘરે આવેલા ત્રણ શખ્સોને જવા માટે કહ્યું હતું જે તે લોકોને સારું નહીં લગતા તેને યુવાનને ગાળો આપીને પાઇપ અને ધોકા વડે માર માર્યો હતો જેથી કરીને યુવાને હળવદ તાલુકા પોલીસ સ્ટેશને આ મુદે ફરિયાદ નોંધવાતા પોલીસે આગળની કાર્યવાહી કરેલ છે
બનાવની જાણવા મળતી માહિતી મુજબ હળવદના પાંડાતિરથ ગામે રહેતા રમેશભાઇ લીલુભાઇ ડાભી જાતે કોળી (૪૦)એ હસમુખભાઇ કુકાભાઇ ડાભી જાતે કોળી, ગોવિંદભાઇ ભુદરભાઇ ડાભી અને મહેશભાઇ શંકરભાઇ ડાભી જાતે કોળી રહે. તમામ પાંડાતિરથ વાળાની સામે ફરિયાદ નોંધાવી છે જેમાં તેને જણાવ્યુ છે કે, આરોપીઓને ફરિયાદીએ ઘરેથી જવાનું કહેતા આરોપી હસમુખભાઇ કુકાભાઇ ડાભીએ ગાળો આપીને ધોકા વડે પગે તથા શરીરે માર માર્યો હતો તેમજ ગોવિંદભાઇ ભુદરભાઇ ડાભીએ પોતાના હાથમાં રહેલ લોખંડની પાઇપનો એક ઘા ફરિયાદીને કપાળના ડાબી સાઇડે ઉપરના ભાગે મારીને ઇજા કરી હતી જેથી પાંચ ટાંકા આવ્યા હતા અને મહેશભાઇ શંકરભાઇ ડાભીએ પોતાના હાથમાં રહેલ ધોકા વડે ફરિયાદી અને સાહેદ બીજરાબેનના પીઠના ભાગે માર મારી ઇજા કરી હતી જેથી યુવાનની ફરિયાદ લઈને પોલીસે ત્રણ શખ્સની સામે આઇપીસી કલમ ૩૨૪, ૫૦૪, ૧૧૪ તથા જી.પી એકટ કલમ ૧૩૫ મુજબ ગુનો નોંધીને આગળની કાર્યવાહી કરેલ છે
