હળવદના રહેણાક મકાનમાંથી ૯૦ બોટલ દારૂ સાથે એક પકડાયો
SHARE
JOIN OUR GROUP
હળવદના રહેણાક મકાનમાંથી ૯૦ બોટલ દારૂ સાથે એક પકડાયો
હળવદ તાલુકાના ખોડ ગામે રહેણાંક મકાનમાં દારૂનો જથ્થો હોવાની બાતમી મળી હતી જેના આધારે પોલીસે ત્યાં રેડ કરી હતી ત્યારે ફળિયામાં ખાડો ખોદીને પોલીસે ઘરમાંથી ૯૦ બોટલ દારૂ સાથે ઘરધણીની ધરપકડ કરી હતી અને તેની પાસેથી પોલીસે ૩૭૯૫૫ ની કિંમતનો દારૂનો જથ્થો કબજે કરીને આગળની કાર્યવાહી હાથ ધરી હતી
જાણવા મળતી માહિતી મુજબ હળવદ તાલુકાના ખોડ ગામે રહેતા વીરુભાઈ કેશાભાઈ પાટડીયાના મકાનની અંદર દારૂનો જથ્થો હોવાની બાતમી હળવદ તાલુકા પોલીસને મળી હતી જેના આધારે પોલીસે આરોપીના ઘરની અંદર દારૂની રેડ કરી હતી અને ફળિયામાં ખાડો ખોદીને ત્યાં ઘરમાંથી દારૂની ૯૦ બોટલો કાઢી હતી જેથી પોલીસે ૩૭૯૫૫ ની કિંમતનો દારૂનો જથ્થો કબજે કર્યો હતો અને આરોપી વીરુભાઈ કેસાભાઇ પાટડીયા જાતે કોળી (ઉમર ૩૦) રહે. ખોળ ગામ તાલુકો હળવદ વાળાની ધરપકડ કરી છે અને આ દારૂની બોટલો આરોપીની પાસે કયાંથી આવી હતી તે દિશામાં તપાસ શરૂ કરવામાં આવી છે
જુગારી પકડાયા
મોરબી શહેરના વીસીપરા વિસ્તારમાં રાજ બેકરી સામે ખડીયાપરામાં જાહેરમાં જુગાર રમતા હોવાની બાતમી મળી હતી જેના આધારે સ્થાનિક પોલીસએ ત્યાં જુગારની રેડ કરી હતી ત્યારે અશોકભાઈ જયંતીભાઈ સાલાણી, પ્રેમજીભાઈ ઉર્ફે નાનુભાઈ નારણભાઈ રાણા, અલ્તાફભાઈ હૈદરભાઈ જેડા, શારદાબેન સુરેશભાઈ કમાદરા અને વિજયા સુરેશભાઈ જાસલીયા જુગાર રમતા મળી આવ્યા હતા જેથી કરીને પોલીસે તેઓની પાસેથી ૨૯૫૦ ની રોકડ કબજે કરીને જુગાર હેઠળ ગુનો નોંધી આગળની કાર્યવાહી હાથ ધરેલ છે
