મોરબીમાંથી ૬.૮૮૦ ગ્રામ મેફેડ્રોન ડ્રગ્સ સાથે એક ઝડપાયો: ભચાઉના ખાનની શોધખોળ
SHARE
JOIN OUR GROUP
મોરબીમાંથી ૬.૮૮૦ ગ્રામ મેફેડ્રોન ડ્રગ્સ સાથે એક ઝડપાયો: ભચાઉના ખાનની શોધખોળ
મોરબીના ઝીંઝુડા ગામેથી અગાઉ ડ્રગ્સનો મોટો જથ્થો પકડાયો હતો ત્યાર બાદ મોરબીના સામાકાંઠે વિસ્તારમાંથી બાઇક લઈને જતાં શખ્સને રોકીને એસઓજીની ટીમે ચેક કર્યો હતો ત્યારે તેની પાસેથી મેફેડ્રોન ડ્રગ્સનો જથ્થો મળી આવ્યો હતો જેથી કરીએ પોલીસે ડ્રગ્સ, મોબાઈલ અને બાઇક મળીને ૧૫૩૮૦૦ નો મુદામાલ કબજે કરેલ છે અને ભચાઉના ખાન નામના શખ્સ પાસેથી તેને આ ડ્રગ્સ લીધું હોવાની પોલીસને આરોપીઓએ કબૂલાત આપી છે જેથી પોલીસે આગળની કાર્યવાહી હાથ ધરી છે
મોરબી જીલ્લામાં ડ્રગ્સના દૂષણને ડામવા માટે એસપી રાહુલ ત્રિપાઠીએ અધિકારીઓને સૂચના આપી છે તેવામાં મોરબી જિલ્લા એસઓજીના મહાવીરસિંહ પરમારને ખાનગી બાતમી મળી હતી જેના આધારે સામાકાંઠે વિસ્તારમાં વોચા રાખવામા આવી હતી ત્યારે બાઇક લઈને જતાં આરોપી સમીર ઇબ્રાહિમભાઇ અલવસીયા (૨૮) રહે. સુમરા સોસાયટી વીસીપરા મોરબી વાળાને રોકીને પોલીસે ચેક કર્યો હતો ત્યારે તેની પાસેથી મેફેડ્રોન વજન ૬.૮૮૦ ગ્રામ મળી આવ્યું હતું જેથી પોલીસે ૬૮,૮૦૦ ની કિનામ્ત્નું ડ્રગ્સ, ૫૦૦૦૦ રૂપિયાની કિંમતનો મોબાઈલ અને બાઇક નંબર જીજે ૩ એચપી ૪૦૪૭ જેની કિંમત ૩૫૦૦૦ આમ કુમ મળીને ૧૫૩૮૦૦ નો મુદામાલ કબજે કરેલ છે અને પકડાયેલા આરોપીની પૂછપરછમાં આ માલ તે કચ્છના ભચાઉમાં રહેતા ખાન નામના શખ્સ પાસેથી લઈને આવ્યો હોવાની માહિતી સામે આવી છે જેથી પોલીસે બન્ને આરોપીઓ સામે એન.ડી.પી.એસ. એક્ટ હેઠળ ગુનો નોંધી આગળની કાર્યવાહી હાથ ધરી છે.
