મોરબીમાંથી ૬.૮૮૦ ગ્રામ મેફેડ્રોન ડ્રગ્સ સાથે એક ઝડપાયો: ભચાઉના ખાનની શોધખોળ
Morbi Today
મોરબીના સોખડા પાસે ડમ્પર ચાલકે બાઇકને હડફેટે લેતા દંપતીને ઇજા
SHARE
JOIN OUR GROUP
મોરબીના સોખડા પાસે ડમ્પર ચાલકે બાઇકને હડફેટે લેતા દંપતીને ઇજા
મોરબી માળિયા હાઇવે ઉપર આવેલ સોખડા ગામના પાટીયા પાસેથી બાઈક લઈને પસાર થતા યુવાનના બાઈકને પાછળથી ડમ્પર ચાલકે ઠોકર મારી હતી જેથી કરીને બાઈક ઉપર જઈ રહેલ દંપતિ રસ્તા ઉપર નીચે પટકાતા તે બંનેને ઈજા થઈ હતી અને અકસ્માત સર્જીને ડમ્પર ચાલક નાસી છૂટ્યો હોય હાલમાં ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે અજાણ્યા ડમ્પર ચાલકની સામે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી માહિતી મુજબ મોરબીના જુના નાગડાવાસ ગામે રહેતા હિરેનભાઈ મેણંદભાઈ રાઠોડ જાતે આહીર (૨૪) તેના પત્નીને પોતાના બાઈકમાં પાછળના ભાગે બેસાડીને મોરબી માળિયા હાઇવે ઉપર આવેલ સોખડા ગામના પાટીયા પાસેથી પસાર થઈ રહ્યા હતા અને ડમ્પરની સાઈડ કાપતા ડમ્પર ચાલકે પાછળથી તેનું વાહન મોટરસાયકલમાં અથડાવ્યું હતું જેથી કરીને અકસ્માતનો બનાવ બન્યો હતો અને બાઈક ઉપર જઈ રહેલ યુવાન અને તેની પત્નીને પગના ભાગે ઇજાઓ થઈ હતી જોકે અકસ્માત સર્જીને ડમ્પર ચાલક પોતાનું વાહન લઈને ઘટના સ્થળેથી નાસી ગયો હતો જેથી હાલમાં સારવાર લીધા બાદ યુવાને મોરબી તાલુકા પોલીસ સ્ટેશન ખાતે અજાણ્યા ડમ્પર ચાલકની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
