હળવદની સિદ્ધિવિનાયક સોસાયટીમાંથી બોલેરોની ચોરી
SHARE
JOIN OUR GROUP
હળવદની સિદ્ધિવિનાયક સોસાયટીમાંથી બોલેરોની ચોરી
હળવદના રાણેકપર રોડ ઉપર આવેલ મહર્ષિ સ્કૂલ પાસે આવેલ સિદ્ધિવિનાયક સોસાયટીમાં રહેતા યુવાને પોતાના ઘર પાસે તેની બોલેરો ગાડીને મૂકી હતી જે સાડા ત્રણ લાખ રૂપિયાની કિંમતની ગાડી કોઇ અજાણ્યો શખ્સ ચોરી કરી ગયેલ છે જેથી ભોગ બનેલા યુવાન દ્વારા હાલમાં હળવદ તાલુકા પોલીસ સ્ટેશન ખાતે બોલેરો ચોરીની ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી વિગત પ્રમાણે હળવદ શહેરમાં રાણેક્પર રોડ ઉપર આવેલ મહર્ષિ સ્કૂલની પાસે આવેલ સિદ્ધિવિનાયક સોસાયટીમાં રહેતા જમનભાઈ ઉમેશભાઈ યાદવ (ઉંમર ૩૦) એ હળવદ તાલુકા પોલીસ સ્ટેશન ખાતે બોલેરો ચોરીની ફરિયાદ નોંધાવી છે જેમાં તેને જણાવ્યું છે કે સિદ્ધિવિનાયક સોસાયટીમાં તેઓએ પોતાના ઘર પાસે પોતાની બોલેરો ગાડી નંબર જીજે ૨ વીવી ૯૪૦૭ પાર્ક કરીને મૂકી હતી જે ગાડીને ગત તા. ૧૫/૭ ના રોજ રાત્રિના દસ વાગ્યાથી લઈને બીજા દિવસે સવારના છ વાગ્યે દરમિયાન કોઈ અજાણ્યો શખ્સ ચોરી કરી ગયેલ છે જેથી કરીને સાડા ત્રણ લાખ રૂપિયાની કિંમતની બોલેરો ગાડીની ચોરી કરવામાં આવી હોવાની હાલમાં ભોગ બનેલા યુવાને હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે અજાણ્યા શખ્સની સામે ગુનો નોંધીને આરોપીને શોધવા માટે તજવીજ શરૂ કરેલ છે
