હળવદ શૈક્ષિક મહાસંઘ દ્વારા નવા હોદેદારોનો આવકાર કાર્યક્રમ યોજાયો
Morbi Today
મોરબીમાં કારખાનામાં જુગાર રમતા કારખાનેદાર સહિત છ જુગારીની ૨૮.૭૬ લાખના મુદામાલ સાથે ધરપકડ
SHARE
JOIN OUR GROUP
મોરબીમાં કારખાનામાં જુગાર રમતા કારખાનેદાર સહિત છ જુગારીની ૨૮.૭૬ લાખના મુદામાલ સાથે ધરપકડ
મોરબી નજીકના સનાળા ગામથી રાજપર ગામ તરફ જવાના રોડ ઉપર આવેલ કારખાનામાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરતા કારખાનેદાર સહિત કુલ મળીને છ શખ્સો જુગાર રમતા મળી આવ્યા હતા જેથી પોલીસે તેની પાસેથી ૮૭૬૫૦૦ ની રોકડ તેમજ બે ક્રેટા ગાડી આમ કુલ મળીને ૨૮,૭૬,૫૦૦ મુદ્દામાલ કબજે કર્યો હતો અને મોરબી સીટી એ ડીવીઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરી હતી
જાણવા મળતી વિગત પ્રમાણે મોરબી નજીકના સનાળા ગામથી રાજપર ગામ તરફ જવાના રસ્તા ઉપર મોરબીમાં રવાપર રોડ ઉપર આવેલ પ્રમુખ રેસીડેન્સી સોસાયટીમાં કલ્પના બિંદુ એપાર્ટમેન્ટના ફ્લેટ નં-૨૦૪ માં રહેતા મૂળ ચાચાપર ગામના રહેવાસી કિશોરભાઈ છગનભાઈ સનારીયાનું સિટી એલ્યુમિનિયમ એન્ડ સ્ટીલ નામના કારખાનામાં જુગાર રમતા હોવાની બાતમી પોલીસને મળી હતી જેના આધારે એ ડિવિઝન પોલીસે તેના કારખાનામાં જુગારની રેડ કરી હતી ત્યારે કારખાનેદાર કિશોરભાઈ છગનભાઈ સનિયારા (૪૦), નિલેશભાઈ દેવકરણભાઇ સંઘાણી (૩૭), નિલેશભાઈ કેશુભાઈ સનિયારા (૩૧), મહેશભાઈ બાલાજીભાઈ સનિયારા (૩૯), રમેશભાઈ શીવાભાઈ વનગરા (૪૨) અને નિલેશભાઈ ચંદુભાઈ ભીમાણી (૩૯) જુગાર રમતા મળી આવ્યા હતા જેથી કરીને પોલીસે તેઓની પાસેથી ૮૭૬૫૦૦ ની રોકડ કબજે કરી હતી અને બે ક્રેટા ગાડી જેની કિંમત ૨૦ લાખ રૂપિયા આમ કુલ મળીને ૨૮૭૬૫૦૦ નો મુદ્દામાલ કબજે કરી પોલીસે આરોપીઓની ધરપકડ કરીને તેમની સામે જુગારધારા હેઠળ ગુનો નોંધી આગળની કાર્યવાહી હાથ ધરી હતી
