મોરબીના રંગપર પાસે કારખાનાના પ્લાન્ટમાં દાઝી જતાં સગર્ભા માતા-પુત્ર સારવારમાં
SHARE
JOIN OUR GROUP
મોરબીના રંગપર પાસે કારખાનાના પ્લાન્ટમાં દાઝી જતાં સગર્ભા માતા-પુત્ર સારવારમાં
મોરબીના જેતપર રોડ ઉપર આવેલ રંગપર ગામની સીમમાં ગાયત્રી ગળદા પ્લાન્ટ ખાતે કામગીરી કરતા યુવાનની સગર્ભા પત્ની અને તેનો બે વર્ષનો બાળક કોઈ કારણોસર કામ કરતા સમયે દાજી ગયા હતા જેથી પ્રથમ તેને મોરબીની ખાનગી હોસ્પિટલમાં સારવાર આપ્યા બાદ વધુ સારવાર માટે જામનગર અને હાલમાં દાહોદ ખાતે લઈ ગયેલ છે જે બનાવની દાહોદ પોલીસ સ્ટેશન મારફતે મોરબી તાલુકા પોલીસને જાણ કરવામાં આવતા પોલીસ દ્વારા બનાવની નોંધ કરીને આગળની રાબેતા મુજબની તપાસ શરૂ કરવામાં આવેલ છે
બનાવની જાણવા મળતી વિગત પ્રમાણે મોરબીના જેતપર રોડ ઉપર આવેલ રંગપર ગામની સીમમાં ગાયત્રી ગળદા પ્લાન્ટ આવેલ છે ત્યાં રહેતા મૂળ એમપીના રહેવાસી અરવિંદભાઈ ગણાવાના પત્ની ભુરીબેન અરવિંદભાઈ ગણાવા (૨૨) અને બે વર્ષનો દીકરો વિશાલ અરવિંદભાઈ ગણાવા ગત તા ૩૧/૭ ના રોજ પ્લાન્ટમાં સવારે આગિયાર વાગ્યે કામ કરતાં સમયે કોઈ કારણોસર દાઝી ગયા હતા. જેથી કરીને તે બંનેને પ્રથમ સારવાર માટે મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે લઈ જવામાં આવ્યા હતા અને ત્યાંથી વધુ સારવાર માટે તેને જામનગર સિવિલ હોસ્પિટલ ખાતે લઈ ગયા હતા અને ત્યારબાદ ત્યાંથી આ બંને માતા પુત્રને સારવાર માટે હાલમાં દાહોદની કે.કે. સર્જીકલ હોસ્પિટલ ખાતે લઈ ગયેલ છે જેથી દાહોદ પોલીસ મારફતે મોરબી તાલુકા પોલીસને આ બનાવની જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે વધુમાં પોલીસ સુત્રો પાસેથી જાણવા મળતી પ્રમાણે પરણીતાનો લગ્ન ગાળો ચાર વર્ષનો છે અને પરિણીતા સગર્ભા છે હાલમાં બંને માતા પુત્રની સારવાર ચાલી રહી છે અને મોરબી તાલુકા પોલીસે અકસ્માતના બનાવની નોંધ કરીને રાબેતા મુજબની કાર્યવાહી હાથ ધરેલ છે
બગસરા જુગાર
માળીયા તાલુકાના બગસરા ગામે મોરવાડિયા વાસમાં ચામુંડા માતાજીના મંદિર પાસે જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર દિનેશભાઈ ભીમાભાઇ પીપળીયા, હીરાભાઈ રવાભાઈ મોરવાડિયા, બેચરભાઈ ઘોઘાભાઈ પીપળીયા, લાભુભાઈ શીવાભાઈ પીપળીયા, મનુભાઈ પ્રભુભાઈ પીપળીયા તેમજ અવચરભાઈ નવઘણભાઈ પીપળીયા જુગાર રમતા મળી આવ્યા હતા જેથી પોલીસે ૧૦૪૦૦ ના મુદ્દામાલ સાથે આરોપીઓની ધરપકડ કરીને જુગારધારા હેઠળ માળિયા તાલુકા પોલીસ સ્ટેશન ખાતે ગુનો નોંધી રાબેતા મુજબની કાર્યવાહી હાથ ધરેલ છે
