મોરબીમાં ગોપાલ સોસાયટી પાસેથી સીએનજી રીક્ષાની ચોરી

મોરબીના સામાકાંઠા વિસ્તારમાં આવેલ મહારાણા પ્રતાપ સર્કલ નજીક ગોપાલ સોસાયટી પાસેથી સીએનજી રીક્ષાની ચોરી કરવામાં આવી છે જેથી ભોગ બનેલા યુવાન દ્વારા હાલમાં મોરબી સીટી બી ડિવિઝન પોલીસ સ્ટેશન ખાતે રીક્ષા ચોરીની ફરિયાદ નોંધવામાં આવતા પોલીસે ગુનો નોંધીને આરોપીને શોધવા માટે તજવીજ શરૂ કરેલ છે

બનાવની જાણવા મળતી વિગત મુજબ મોરબી શહેરના સામાકાંઠા વિસ્તારમાં ભળીયાદ રોડ ઉપર આવેલ સાયન્સ કોલેજ પાસે રહેતા ચિરાગભાઈ રસિકભાઈ ધોળકિયા જાતે કોળી (ઉંમર ૨૪) પોતાની સીએનજી રીક્ષા નંબર જીજે ૩૬ યુ ૦૧૫૦ લઈને ગત તા. ૨૪/૭/૨૦૨૨ ના રોજ સાંજના પાંચ વાગ્યાથી લઈને રાતના દસ વાગ્યા સુધી ગોપાલ સોસાયટી પાસે ગયા હતા અને ત્યાં તેઓએ પરીપાનની બાજુમાં તેની રીક્ષાને પાર્ક કરીને મૂકી હતી જે રીક્ષાને કોઈ અજાણ્યો શખ્સ ચોરી કરી ગયો છે જેથી કરીને ૮૦ હજાર રૂપિયાની કિંમતની રીક્ષાને શોધવા માટે થઈને ચિરાગભાઈ દ્વારા ઘરમેળે તપાસ કરવામાં આવી હતી પરંતુ કોઈ જગ્યાએથી રીક્ષાનો પતો લાગ્યો ન હતો જેથી હાલમાં ચિરાગભાઈ ધોળકિયાએ મોરબી સિટી બી ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવેલ છે