વાહ સરકારી તંત્ર : મોરબીના સામાકાંઠે રોડ ઉપર આવેલા ખાડામાં બાઇક સ્લીપ થતા યુવાન સારવારમાં
SHARE
JOIN OUR GROUP
વાહ સરકારી તંત્ર : મોરબીના સામાકાંઠે રોડ ઉપર આવેલા ખાડામાં બાઇક સ્લીપ થતા યુવાન સારવારમાં
મોરબીમાં અગાઉ પાટીદાર અનામત આંદોલનના લીધે સત્તા પરિવર્તન થયું હતું અને કોંગ્રેસ તમામ જગ્યાએ સત્તા ઉપર આવી હતી અને તેણે કરેલા શાસનથી ત્રાંસી ઉઠેલા મોરબીવાસીઓએ ગત ચુંટણીમાં ભાજપ તરફે જંગી મતદાન કર્યું હતું જેથી કરીને મોરબી નગરપાલિકામાં તમામ સીટ, તાલુકા પંચાયત, જિલ્લા પંચાયત સહીત જીલ્લામાં સર્વત્ર ભગવો લહેરાયો હતો જોકે હાલ સ્થિતિ એવી છે કે ભાજપના અણધણ શાસનથી પણ લોકો ત્રાંસી ગયા છે કારણકે શહેરના અને હાઇવે ઉપરના અને ગ્રામ્ય વિસ્તારોમાં મોટાભાગના રોડના કચરઘાણ બોલી ગયા છે છતાં પણ તેને યોગ્ય સમારકામ કરવામાં આવતું ન હોય અને જે કામ કરવામાં આવે તેમા પણ સુવિધાને બદલે દુવિધા વધે તેવા કામો કરવામાં આવતા હોય લોકોએ વારંવાર હાલાકીનો સામનો કરવો પડે છે.ખરાબ રસ્તાઓને લીધે થતા અકસ્માતોમાં ઘણીવાર લોકોએ જીવ ગુમાવવા પડે છે અથવા તો કાયમી ખોટખાપણ સહન કરવી પડે તેવા બનાવો છાશવારે નજરમાં આવી રહ્યા છે તેમાં વધુ એક બનાવનો ઉમેરો થયો છે જાણવા મળતી વિગતો મુજબ મોરબીના સામાકાંઠે નજરબાગ રેલ્વે સ્ટેશન સામે આવેલ ગાંધી સોસાયટીમાં રહેતો હેમંત દેવશીભાઈ ભંખોડીયા નામનો ૪૮ વર્ષનો યુવાન મહારાણા સર્કલથી સોઓરડી તરફ જતો હતો ત્યારે રસ્તામાં તેના બાઇકની આડે ખરાબ રોડના લીધે ખાડો આવતા બાઈક પલ્ટી મારી ગયું હતું જેથી કરીને ઈજાગ્રત થયેલ હેમંત ભંખોડીયાને સિવિલ હોસ્પિટલે સારવાર માટે લઈ જવામાં આવ્યો હતો.જ્યારે મોરબીના સામાકાંઠે વાંકાનેર હાઇવે ઉપર આવેલ કુબેર સિનેમા પાછળના વિસ્તારમાં રહેતો મિલન પરસોતમભાઈ વરાણીયા નામનો ૨૮ વર્ષીય યુવાન કુબેર ચોકડી પાસેથી જતો હતો ત્યાં તેને રીક્ષા ચાલકે હડફેટે લેતા ઇજાગ્રત થયેલા મિલન વરાણીયાને અત્રે આયુષ હોસ્પીટલે સારવાર માટે લાવવામાં આવ્યો હતો.
છરી વડે ઈજા
મોરબીના પંચાસર રોડ ઉપર ભારતપરા વિસ્તારમાં રહેતા અસ્લમ ગફારભાઈ માકડીયા નામના ૪૨ વર્ષના યુવાનને મારામારીના બનાવમાં છરી વડે થયેલ હુમલામાં ઇજા પહોંચતી હતી જેથી તેને સારવાર માટે સિવિલ હોસ્પિટલે ખસેડાયો હતો અને બનાવની જાણ થતા એ ડિવિઝન પોલીસ મથકના એચ.એમ.ચાવડા દ્વારા તપાસ કરવામાં આવી રહી છે.તેમજ મોરબીના સામાકાંઠે નટરાજ ફાટક પાસે આવેલ નટરાજ હોટલ ખાતે રહીને કામકાજ કરતા લક્ષ્મણ કેશુભાઈ ચૌહાણ નામના 17 વર્ષે યુવાનને હોટલ નજીક કોઈ ઝેરી જનાવર કરી જતા તેને સારવાર માટે સિવિલેખ હશે ડાહ્યો હતો. વાહન અકસ્માતમાં આવી જા મોરબીના સામા કાંઠે નેશનલ હાઈવે ઉપર કુબેર સિનેમા નજીક રહેતા ઈશ્વરભાઈ બેચરભાઈ સનુરા નામના 35 વર્ષે યુવાનને ચોકડી પાસે આવેલ રામકુવા નજીક સર્વિસ રોડ ઉપર વાહન અકસ્માતના બનાવમાં ઈજા તથા તેને સારવાર માટે સિવિલ હોસ્પિટલ લાવવામાં આવ્યું હતું.
