વાંકાનેરમાં રિક્ષામાં બેઠેલ વૃદ્ધાના ગળામાંથી સવા ત્રણ તોલાના સોનાના દોઢ લાખના ચેનની ચોરી
SHARE
JOIN OUR GROUP
વાંકાનેરમાં રિક્ષામાં બેઠેલ વૃદ્ધાના ગળામાંથી સવા ત્રણ તોલાના સોનાના દોઢ લાખના ચેનની ચોરી
વાંકાનેરમાં બંધુ સમાજની બાજુમાં રહેતા વૃદ્ધા રિક્ષામાં બેસીને પોતાના ઘર તરફ જતા હતા ત્યારે રિક્ષામાં મુસાફરની જેમ તેની સાથે બેઠેલ અન્ય બે મહિલાઓએ વૃદ્ધાની નજર ચૂકવીને તેના ગળામાંથી સવા ત્રણ તોલાનો સોનાનો ચેનની કોઈપણ રીતે ચોરી કરી લીધી હતી જેથી કરીને દોઢ લાખ રૂપિયાની કિંમતના સોનાના ચેનની ચોરી થઈ હોવા અંગેની વૃદ્ધાએ વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીઓને પકડવા માટે તજવીજ શરૂ કરી છે
બનાવની જાણવા મળતી વિગત પ્રમાણે વાંકાનેરમાં બંધુ સમાજની બાજુમાં રહેતા પ્રફુલાબેન સુરેશભાઈ પટેલ (ઉંમર ૬૫) માર્કેટ ચોક પાસે ગયા હતા અને ત્યાંથી પરત પોતાના ઘર તરફ જવા માટે થઈને રીક્ષામાં બેઠા હતા ત્યારે અજાણી રિક્ષાના ચાલક અને રિક્ષામાં અગાઉથી જ મુસાફરની જેમ બેઠેલ બે મહિલાઓ દ્વારા કોઈપણ રીતે વૃદ્ધાની નજર ચૂકવીને તેના ગળામાં પહેરેલ સોનાના સવા ત્રણ તોલાના ચેનની ચોરી કરી લેવામાં આવેલ છે જેથી કરીને દોઢ લાખ રૂપિયાના સોનાના ચેનની ચોરી થઈ હોવા અંગેની વૃદ્ધાએ વાંકાનેર સિટી પોલીસ સ્ટેશન ખાતે ફરિયાદ નોંધાવી છે જેના આધારે હાલમાં પોલીસે અજાણી રિક્ષાના ચાલક તેમજ તે રિક્ષામાં બેઠેલા અજાણી બે મહિલાઓની સામે ચોરીનો ગુનો નોંધીને આરોપીઓને પકડવા માટે તજવીજ શરૂ કરી છે
