મોરબીની નાલંદા વિદ્યાલયમાં આયુર્વેદનું અદભૂત પ્રદર્શન યોજાયુ
SHARE
JOIN OUR GROUP
મોરબીની નાલંદા વિદ્યાલયમાં આયુર્વેદનું અદભૂત પ્રદર્શન યોજાયુ
મોરબી રાજકોટ હાઇવે ઉપર આવેલ નાલંદા વિદ્યાલય ખાતે આયુર્વેદ સાયન્સ ઓફ સેલ્ફ હીલિંગ વિષય ઉપર બે દિવસીય પ્રદર્શન ખુલ્લું મુકાવામાં આવ્યું છે જેમાં રોજિંદા જીવનમાં આયુર્વેદનો ઉપયોગ કઈ રીતે કરી શકાય છે અને તે સહિત અન્ય રસપ્રદ માહિતી વિદ્યાર્થીઓએ સહિતનાઓને આપવામાં આવી છે
આપણા પ્રાચીન આયુર્વેદમાં શરીર મન, સ્વસ્થ રાખવા માટેનું શ્રેષ્ઠત્તમ ઉપાય અને જીવનશૈલીનું વર્ણન છે ત્યારે નાલંદા વિદ્યાલય ખાતે યોજાયેલ પ્રદર્શન પ્રાચિનત્તમ આયુર્વેદ જીવનશૈલીનું સચોટ અને સરળ ભાષામાં જ્ઞાન અને સમજ આપનારું છે આ પ્રદર્શન મુખ્ય પાંચ ભાગમાં વહેચાયેલું છે. જેમાં ૧, આયુર્વેદના ઉદભવ અને મૂળભૂત સિદ્ધાંતો જેમાં આયુર્વેદની ઉત્પતિ ક્યારે અને કેવી રીતે થઈ તેની સમજ આપવામાં આવી છે તેમજ આયુર્વેદના મૂળભૂત સિદ્ધાંતો ત્રિદોષ(વાત, પીત, કફ) તથા પ્રાચીન આયુર્વેદના ગ્રંથો અને આયુર્વેદાચાર્યની સચોટ માહિતી રજૂ કરવામાં આવી છે. ૨, આપણું રસોડુએ આપણું દવાખાનું, આપણી ભારતીય આયુર્વેદિક પરંપરા મુજબ આપણા રસોડામાં રસોઈ બનાવવામાં ઉપયોગી તમામ શાકભાજી, ફળો, મારી-મસાલા વગેરે વસ્તુઓ આયુર્વેદિક ગુણોથી ભરપૂર છે તેની માહિતી અને સમજ આપવામાં આવી છે.
આયુર્વેદ અનુસાર ઋતુ ચર્યા પ્રમાણે ખોરાક, જીવનશૈલી અને ભારતીય તહેવારોની ઉજવણી, આયુર્વેદ અનુશાર શરીરને સ્વસ્થ જાળવવા માટે ત્રિદોષ (વાત, પીત, કફ) નું પ્રાકૃતિક સંતુલન જાળવવું જરૂરી છે ૪, સ્વસ્થ જીવન જીવવા માટે ઋતુઓ અનુસાર ક્યાં ખાદ્ય પદાર્થો વધારે ઓછા માત્રમાં ખાવા જોઈએ અને દિનચર્યા કેવી હોવી જોઈએ તેની માહિતી આપવામાં આવી છે ૫, આયુર્વેદ તરફ પાછા વાળીએ, જેમાં પશુ પાલનથી મનુષ્ય જીવન અને આરોગ્ય ઉપર થયેલી વિપરીત અસરો તથા પ્રાકૃતિક ખેતી અને ગાય પાલનનું મહત્વ સમજાવ્યૂ છે તેમજ આધુનિક મેડિકલ સાયન્સ પાસે જે રોગોના કાયમી ઉપાય નથી તેવા હઠીલા અને ગંભીર રોગોનો ઈલાજ કઈ રીતે થઈ શકે છે તે વિષેની માહિતી આપવામાં આવી છે.
તેમજ આપણા જીવનમાં પ્રાણાયામ અને યોગાસનોનું શું મહત્વ છે તેની ઉપયોગીતા વિષે સમજ આપેલ છે. આ પ્રદર્શનમાં ૧૫૦૦ થી વધારે વિદ્યાર્થી અને ૧૦૦ થી વધારે શિક્ષકોએ ભાગ લઈ પ્રદર્શનને સફળ બનાવવા અથાગ પ્રયત્નો કરેલ છે. આ પ્રદર્શન બુધવારે પણ નાલંદાના વિદ્યાર્થીઓ અને વાલીઓ માટે ખુલ્લુ મૂકવામાં આવેલ છે. જેથી કરીને પ્રદર્શન જોવા માટે શાળાના સંચાલકોએ અનુરોધ કરેલ છે આ પ્રદર્શન સફળ બનાવવા માટે શાળાના પ્રિન્સિપાલ, કોર્ડિનેટર, શિક્ષકો, વિદ્યાર્થીઓને સંસ્થાના મેનેજીંગ ટ્રસ્ટી ગામીએ ખૂબ ખૂબ અભિનંદન પાઠવ્યા છે.
