મોરબીના રામધાન આશ્રમ ખાતે કાલે કોંગ્રેસ દ્વારા અબ કી બાર, જનતા કી સરકાર કાર્યક્રમ યોજાશે
Morbi Today
દબાણ કરનારા સાવધાન: મોરબીમાં કોમન પ્લોટ ઉપર મકાન ખડકી દેનારા સામે લેન્ડ ગ્રેબિંગ નોંધાતાની સાથે ધરપકડ
SHARE
JOIN OUR GROUP
દબાણ કરનારા સાવધાન: મોરબીમાં કોમન પ્લોટ ઉપર મકાન ખડકી દેનારા સામે લેન્ડ ગ્રેબિંગ નોંધાતાની સાથે ધરપકડ
મોરબી શહેરના સામાકાંઠા વિસ્તારમાં સોઑરડી પાસે આવેલ ચામુંડા નગરમાં કોમન પ્લોટ ઉપર દબાણ કરીને મકાન બનાવી નાખ્યું હતું અને જાહેર રસ્તા ઉપર ગેરકાયદેસર દબાણ કરીને જગ્યા પચાવી પાડવામાં આવી હતી જેથી કરીને હાલમાં મોરબી બી ડિવિઝન પોલીસ સ્ટેશન ખાતે દબાણ કરનારની સામે લેન્ડ ગ્રેબિંગ એક્ટ હેઠળ ગુનો નોંધાયો છે જેથી કરીને પોલીસે આરોપીને પકડીને આગળની કાર્યવાહી હાથ ધરી છે
બનાવની જાણવા મળતી વિગત મુજબ મોરબી શહેરના સામાકાંઠા વિસ્તારમાં સોઓરડી મેઇન રોડ પાસે રામદેવપીર મંદિર નજીકમાં રહેતા આકાશભાઈ ગલાભાઈ પરમાર (28) એ મોરબી સીટી બી ડિવિઝન પોલીસ સ્ટેશન ખાતે નાનજીભાઈ પોપટભાઈ મકવાણા રહે. ચામુંડા નગર સોસાયટી સોઓરડી વાળાની સામે લેન્ડ ગ્રેબિંગ એક્ટ હેઠળ ફરિયાદ નોંધાવી છે જેમાં તેમણે જણાવ્યું છે કે વર્ષ ૨૦૧૯ પહેલાથી કોઈપણ સમયથી શહેરના વોર્ડ નંબર-૪ માં સીટી સર્વે નંબર ૨૮૦૧ સીટ નંબર ૧૯૯ વાળી જગ્યામાં ચામુડા નગર સોસાયટી આવેલ છે અને આ સોસાયટીના કોમન પ્લોટમાં આશરે ૩૭.૪૪ ચોરસ મીટર જેટલી જગ્યા ઉપર ગેરકાયદેસર રીતે નાગજીભાઈ પોપટભાઈ મકવાણાએ દબાણ કરીને ત્યાં મકાન બનાવી લીધું હતું તથા જાહેર રસ્તામાં ગેરકાયદેસર રીતે દબાણ કરી જગ્યા પચાવી પાડી હતી જેથી કરીને આકાશભાઈ પરમાર દ્વારા નોંધાવવામાં આવેલ ફરિયાદ આધારે બી ડિવિઝન પોલીસ દ્વારા લેન્ડગ્રેબિંગ એક્ટ હેઠળ ગુનો નોંધીને આરોપી નાનજીભાઈ પોપટભાઈ મકવાણાની ધરપકડ કરવામાં આવી છે
