રાષ્ટ્રીય સ્વયંસેવક મોરબી દ્વારા કુટુંબ પ્રબોધન કાર્યક્રમ યોજાયો
Morbi Today
મોરબીમાં તમાકુ, ગુટખા, બીડી, સિગરેટની ચોરીમાં ભાવનગરના બે અને રાજકોટના એક શખ્સની ધરપકડ
SHARE
JOIN OUR GROUP
મોરબીમાં તમાકુ, ગુટખા, બીડી, સિગરેટની ચોરીમાં ભાવનગરના બે અને રાજકોટના એક શખ્સની ધરપકડ
મોરબીની વાવડી ચોકડી પાસે બંધ દુકાને તસ્કરે નિશાન બનાવી હતી અને દુકાનમાંથી તમાકુ, ગુટખા, સોપારી, બીડી, સિગરેટ,સાબુ તેમજ શેમ્પુ વિગેરે મળીને કુલ ૧૫૪૫૦૦ રૂપિયાના મુદ્દામાલની અજાણ્યા શખ્સ દ્વારા ચોરી કરવામાં આવેલ હતી જેથી દુકાનદાર દ્વારા મોરબી એ ડિવિઝન પોલીસ સ્ટેશન ખાતે ચોરીની ફરિયાદ નોંધવામાં આવી હતી જેના આધારે સ્થાનિક પોલીસ અને એલસીબીની ટિમ દ્વારા તપાસ કરવામાં આવી રહી હતી અને હાલમાં એલસીબીની ટીમે આ ગુનામાં ભાવનગરના બે અને રાજકોટના એક શખ્સની ધરપકડ કરેલ છે અને મુદામાલ રિકવર કરેલ છે
મોરબી શહેરના શનાળા રોડ ઉપર આવેલ સમયના ગેટની બાજુમાં નીતિન પાર્ક સોસાયટીમાં ગોપી ટાવરના બ્લોક નંબર ૧૦૪ માં રહેતા અમિતભાઈ મગનભાઈ અંબાણી જાતે પટેલ (૩૩)એ મોરબી સીટી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ હતી કે, ગત તા. ૩૦/૮ ના રાત્રિના આઠ વાગ્યાથી લઈને બીજા દિવસે સવારના ૬ વાગ્યા સુધીમાં કોઈ પણ સમયે અજાણ્યા શખ્સ દ્વારા તેની વાવડી ચોકડી પાસે મહાદેવના મંદિર પાસે આવેલ બંધ દુકાને નિશાન બનાવવામાં આવી હતી અને દુકાનના તાળા તોડવામાં આવ્યા હતા ત્યાર બાદ દુકાનમાં રહેલ શિવાજી બીડીના ૧૦ પેકેટ, પુકાર તમાકુનું એક કાર્ટુન, વિમલ ગુટખાના ૨૦ પેકેટ, બુધાલાલ તમાકુનું એક કાર્ટુન, રાજેશ્રી પાન મસાલા ગુટખાનું એક કાર્ટૂન, બાગબાન તમાકુ મીની પાઉચનું એક કાર્ટૂન, ૬૦ કિલો સોપારી, સાબુ, શેમ્પુ, જુદીજુદી કંપનીની સિગરેટ વિગેરે કુલ મળીને દુકાનમાંથી તસ્કર દ્વારા ૧૫૪૫૦૦ રૂપિયાની કિંમતના મુદ્દામાલની ચોરી કરવામાં આવેલ છે જેથી ભોગ બનેલા વેપારીએ નોંધાવેલ ફરિયાદ આધારે મોરબી સીટી એ ડિવિઝન પોલીસ અને એલસીબી દ્વારા તપાસ કરવામાં આવી રહી હતી
દરમ્યાન એલસીબીના રામભાઇ મંઢ, નિરવભાઈ મકવાણા નિર્મળસિંહ જાડેજા અને સંજયભાઈ રાઠોડને મળેલ બાતમી આધારે પોલીસે ચોરીના આ ગુનામાં દિવ્યરાજસિંહ ઉર્ફે દિગુભા અનિરુદ્ધસિંહ રાઠોડ (૩૦) રહે. લીલા સર્કલ આલેખ દ્લેત ઇ વિંગ ભવનગર્મ મિતરાજસિંહ અનિરુદ્ધસિંહ ગોહિલ (૨૪) રહે, ગાયત્રીનાગર ભાવનગર અને અરવિંદનાથ જીવનનાથ પરમાર (૩૫) રહે. તરઘરી, રાજકોટ વાળાની ધરપકડ કરેલ છે અને તેની પાસેથી ચોરીમાં ગયેલ મુદામાલ તેમજ ગુનાના કામે ઉપયોગમાં લેવામાં આવેલ સ્વિફ્ટ કાર અને બોલેરો ગાડીને પણ કબજે કરવામાં આવી છે અને આરોપી તેમજ મુદામાલ એ ડિવિઝન પોલીસ સ્ટેશને આપવામાં આવેલ છે જેથી પોલીસે આરોપીના રિમાન્ડ લેવા માટે ચક્રોગતિમાન કરેલ છે
