મોરબીના બંધુનગર પાસે બાઈક ચાલકને ડમ્પરે લેતા યુવાન સારવારમાં
SHARE
JOIN OUR GROUP
મોરબીના બંધુનગર પાસે બાઈક ચાલકને ડમ્પરે લેતા યુવાન સારવારમાં
મોરબીના વાંકાનેર હાઇવે ઉપર બંધુનગર ગામ પાસે આવેલ ચામુંડા હોટલ નજીકથી બાઈક લઈને જઈ રહેલા જગદીશભાઈ લક્ષ્મણભાઈ ઉભડીયા (ઉંમર ૩૦) રહે.જોધપર નદી તા.મોરબી વાળાના બાઈકને ડમ્પર નંબર જીજે ૧૩ એક્સ ૯૬૯૮ ના ચાલકે હડફેટે લીધું હતું જેથી કરીને સર્જાયેલ વાહન અકસ્માતના બનાવમાં જગદીશભાઈને ખંભાના પાછળના ભાગે તેમજ ડાબા હાથની કોણી ઉપર અને ડાબા પગના ઘૂંટણ અને કમરના ભાગે ઇજાઓ પહોંચી હતી અને શરીરે મુઢ ઇજાઓ પહોંચી હતી.હાલ સારવાર લીધા બાદ જગદીશભાઈ ઉભડીયાએ ઉપરોક્ત નંબરના ડમ્પર ચાલક વિરુદ્ધ તાલુકા પોલીસ મથકે ફરિયાદ નોંધાવતા મણીભાઈ ગામેતી દ્વારા તપાસ કરવામાં આવી રહી છે.જ્યારે મોરબીના હળવદ તાલુકાના માથક ગામે રહેતા હસીનાબેન ઉસ્માનભાઈ મોવર નામના ૬૫ વર્ષીય વૃદ્ધાને મોરબીના હળવદ રોડ ઉપર ઉંચી નીચી માંડલ ગામની વચ્ચે વાહન અકસ્માતના બનાવમાં ઇજાઓ થવાથી ૧૦૮ વડે અત્રેની સિવિલે ખસેડવામાં આવ્યા હતા અને બનાવને પગલે તાલુકા પોલીસ દ્વારા તપાસ કરવામાં આવી રહેલ છે.
મોટા દહીંસરા ગામે મારામારીમાં ત્રણને ઇજા
મોરબી જિલ્લાના માળિયા મીંયાણા તાલુકામાં આવેલા મોટા દહીંસરા ગામે રેલ્વે ફાટક પાસે મારામારીનો બનાવ બન્યો હતો જેમાં જગતસિંહ અજુભા જાડેજા (૬૦) અને ઉષાબા જગતસિંહ જાડેજા (૫૦) રહે.બંને મોટા દહીસરા તેમજ નિર્મલસિંહ હનુભા ઝાલા (૨૬) રહે.મોટા દહીસરા રેલ્વે ફાટક પાસે વાળાઓને ઈજાઓ થતા ત્રણેયને સારવાર માટે મોરબી સિવિલ ખાતે લાવવામાં આવ્યા હતા અને અહીં એ ડિવિઝન પોલીસ મથકના વી.કે.ફૂલતરીયા દ્વારા તપાસ કરી બનાવ અંગે માળિયા પોલીસને જાણ કરવામાં આવી હતી.જ્યારે માળીયા મિંયાણામાં મોટી બજારમાં આવેલ માલાણી શેરીમાં રહેતા અસલમ દિલાવરભાઈ મોવર નામના ૨૨ વર્ષીય યુવાનને માળીયા મિંયાણા નજીક આવેલ સંજરી હોટલ નજીક ચા-પાનની દુકાને ચાર-પાંચ લોકો દ્વારા છરી-ધારીયા સહિતના હથીયારો વડે માર મારવામાં આવતા તેને અત્રે ક્રિષ્ના હોસ્પિટલે સારવાર માટે લાવવામાં આવ્યો હતો હાલ એ ડિવિઝન પોલીસ મથકના એચ.એમ.ચાવડા દ્વારા પ્રાથમિક તપાસ કરી બનાવ અંગે માળિયા પોલીસને જાણ કરવામાં આવી હતી.
