મોરબીના રવાપર ગામે સરદાર ટાવર એપાર્ટમેન્ટના પાર્કિંગમાંથી બાઈકની ચોરી
Morbi Today
મોરબીના શનાળા પાસે હુન્ડાઈના શોરૂમમાં તસ્કરોના ધામા: રોકડા ૩.૫૫ લાખની ચોરી
SHARE
JOIN OUR GROUP
મોરબીના શનાળા પાસે હુન્ડાઈના શોરૂમમાં તસ્કરોના ધામા: રોકડા ૩.૫૫ લાખની ચોરી
મોરબી રાજકોટ હાઇવે ઉપર સનાળા ગામ પાસે આવેલ હુન્ડાઈના શોરૂમમાં રાત્રી દરમિયાન તસ્કરોએ ધામા નાખ્યા હતા અને ઓફિસમાં મુકેલ તિજોરીમાંથી રોકડા ૩.૫૫ લાખથી વધુના મુદ્દામાલની ચોરી કરવામાં આવેલ છે જેથી હાલમાં શોરૂમના સિક્યુરિટી ગાર્ડ દ્વારા મોરબી સીટી એ ડિવિઝન પોલીસ સ્ટેશન ખાતે અજાણ્યા ચાર ઈસમોની સામે ચોરીની ફરિયાદ નોંધાવવામાં આવતા પોલીસે શોરૂમમાં મૂકવામાં આવેલા સીસીટીવી કેમેરાના ફૂટેજ ચેક કરીને આરોપીને પકડવા માટે જુદીજુદી દિશામાં તપાસ શરૂ કરેલ છે
બનાવની જાણવા મળતી માહિતી પ્રમાણે મોરબી નજીકના શનાળા ગામે આવેલ શક્તિ માતાજીના મંદિરની બાજુમાં રહેતા ધીરુભા અલુભા જાડેજા જાતે દરબાર (૭૦) એ હાલમાં મોરબી સીટી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેમણે જણાવ્યું છે કે તેઓ મોરબી રાજકોટ હાઇવે ઉપર સનાળા ગામ પાસે આવેલ ઈક્વિટી હુંડાઈના શોરૂમમાં સિક્યુરિટી ગાર્ડ તરીકે ફરજ બજાવે છે અને તા.૨૦ ના રોજ રાત્રિના એક થી દોઢ વાગ્યા દરમ્યાન અજાણ્યા ચાર ઇસમો શોરૂમમાં આવ્યા હતા અને ત્યારે ઓફિસની તિજોરીમાં રાખેલા રોકડા ૩,૫૫,૨૦૯ ની ચોરી કરી ગયેલ છે જેથી હાલમાં શોરૂમના સિક્યુરિટી ગાર્ડ દ્વારા નોંધવામાં આવેલ ફરિયાદ આધારે પોલીસે શો રૂમના સીસીટીવી ફૂટેજને ચેક કરવામાં આવ્યા છે અને ચોરી કરનારા આરોપીઑને પકડવા માટે જુદી જુદી દિશામાં તપાસના ચક્રોગતિમાન કર્યા છે
