મોરબીમાં બુટલેગરને પકડવા ગયેલ પોલીસે આઠ બોટલ દારૂ સાથે તેના ભાઈની કરી ધરપકડ
SHARE
JOIN OUR GROUP
મોરબીમાં બુટલેગરને પકડવા ગયેલ પોલીસે આઠ બોટલ દારૂ સાથે તેના ભાઈની કરી ધરપકડ
મોરબીના લીલપર પાસે ગોડાઉનમાંથી પકડાયેલ દારૂના જથ્થા મુદે આરોપીને પકડવા માટે પોલીસે મોરબીના નાની બજાર વિસ્તારમાં વિશ્વકર્મા મંદિરની બાજુમાં રહેતા બુટલેગરના ઘરે પહોચી હતી ત્યારે ઘરની અંદરથી જુદી જુદી બ્રાન્ડની દારૂની આઠ બોટલ મળી આવી હતી જેથી કરીને પોલીસે ૨૨૦૦૦ ની કિંમત ના મુદ્દામાલ સાથે હાલમાં બુટલેગરના ભાઈની ધરપકડ કરેલ છે અને મુખ્ય સૂત્રધારને પકડવા માટે તજવીજ શરૂ કરવામાં આવી છે
મોરબી તાલુકાના લીલાપર ગામની સીમમાં આવેલ ગોડાઉનમાં એલસીબીની ટીમે દારૂની રેડ કરી હતી અને પોલીસે ૮૯૮૮ બોટલ દારૂ જેની કિંમત ૪૦.૫૦ લાખનો મુદામાલ કબજે કરીને એક આરોપીને પકડાયો હતો અને ત્રણ આરોપીના નામ સામે આવ્યા હતા જે પૈકીનાં દીપકસિંહ ખોડુભા વાઘેલાને પકડવા માટે મોરબીના નાની બજાર વિસ્તારમાં વિશ્વકર્મા મંદિરની બાજુમાં રહેતા દીપકસિંહ ખોડુભા વાઘેલાને પકડવા માટે પોલીસ દ્વારા તપાસ શરૂ કરવામાં આવી હતી અને તે આરોપીને પકડવા માટે તેના ઘરે પોલીસ પહોચી હતી ત્યારે ઘરમાંથી દારૂની જુદી જુદી બ્રાન્ડની દારૂની આઠ બોટલ મળી આવી હતી જેથી પોલીસે ૨૨૦૦૦ ની કિંમતનો મુદામાલ કબજે કરીને હાલમાં યોગરાજસિંહ ખોડુભા વાઘેલા જાતે દરબાર (ઉમર ૩૨) રહે. નાની બજાર વિશ્વકર્મા મંદિરની બાજુમાં મોરબી વાળાની ધરપકડ કરેલ છે અને આ ગુનામાં દિપકસિંહ ખોડુભા વાઘેલાનું નામ સામે આવ્યું હોય તેની સામે પણ વધુ એક ગુનો નોંધીને તેને પકડવા માટે તજવીજ શરૂ કરવામાં આવી છે
