મોરબીના લાતી પ્લોટમાં મંડપ સર્વિસના ગોડાઉનમાંથી ૧.૬૭ લાખના મુદામાલની ચોરી
SHARE
JOIN OUR GROUP
મોરબીના લાતી પ્લોટમાં મંડપ સર્વિસના ગોડાઉનમાંથી ૧.૬૭ લાખના મુદામાલની ચોરી
મોરબીમા સોના, ચાંદી, રોકડા રકમ, ખાદ્ય સામગ્રી અને કપડાં વગેરેની ચોરીની ઘટનાઓ તો અગાઉ અનેક વખત સામે આવી છે દરમિયાન મોરબીના લાતી પ્લોટ વિસ્તારમાં મંડપ સર્વિસના ગોડાઉનને તસ્કરે નિશાન બનાવ્યું છે અને ગોડાઉનમાંથી મંડપ સર્વિસના કામમાં ઉપયોગમાં લેવામાં આવતી અલગ અલગ ૧,૬૭,૭૫૦ રૂપિયાની કિંમતની ચીજ વસ્તુઓની ચોરી કરવામાં આવી છે જેથી ભોગ બનેલા આધેડે હાલમાં મોરબી સીટી એ ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મોરબીના રવાપર ઘુનડા રોડ ઉપર આવેલ ક્રિષ્ના સ્કૂલની સામે વેલકમ પ્રાઈઝ-સી બ્લોક નંબર ૫૦૨ માં રહેતા પ્રવીણભાઈ હંસરાજભાઈ રંગપરિયા જાતે પટેલ (ઉંમર ૪૯) એ હાલમાં મોરબી સીટી એ ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવેલ છે જેમાં તેઓએ જણાવ્યું છે કે તેનું શિવ મંડપ સર્વિસનું ગોડાઉન લાતી પ્લોટ શેરી નં-૨ માં આવેલ છે આ ગોડાઉનના તાળા તોડીને કોઈ અજાણ્ય શખ્સ દ્વારા ૨૭/૯ ના રાત્રીના સાડા આઠ વાગ્યાથી લઈને ૨૮/૯ ના રાત્રીના એક વાગ્યા સુધીના સમયગાળા દરમિયાન કોઇપણ સમયે ગોડાઉનમાં પ્રવેશ કરીને ગોડાઉનમાં પડેલ મંડપ સર્વિસમાં ઉપયોગમાં લેવામાં આવતી જુદી જુદી વસ્તુઓમાંથી ૧૬૭૭૫૦ ની કિંમતના મુદ્દામાલની ચોરી કરવામાં આવેલ છે જેથી ભોગ બનેલા આધેડ દ્વારા નોંધવામાં આવેલ ફરિયાદને આધારે પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરી છે
