ટંકારા નજીક આવેલ ધર્મજીવન કોટનની ઓફીસમાં જુગાર રમતા 19 શખ્સો 3.10 લાખનો મુદામાલ કબ્જે મોરબીના ખારચિયા ગામે કુવામાં ડૂબી જતા તરૂણ અને ટંકારાના બંગાવડી ગામે વાડીએ કુંડીમાં ડૂબી જવાથી બાળકનું મોત માળીયા (મી)ના નાના દહીસરા ગામ પાસે રેલવે ટ્રેક ઉપર એન્જિનની હડફેટે ચડી જતા આધેડનું મોત: વાંકાનેર બાઉન્ડ્રી પાસે હોટલની રૂમમાં બેભાન અવસ્થામાં યુવાનનું મોત ટંકારાના લજાઈ અને વાંકાનેરના સિંધાવદર ગામ પાસે જુગારની રેડમાં કુલ 11 શખ્સો ઝડપાયા હળવદના સુંદરગઢ ગામના પુલ પાસે ટ્રક ટ્રેલરના ચાલકે ઇકો અને ટ્રકને હડફેટે લીધા બાદ રાહદારી આધેડે કચડી નાખતા ઘટના સ્થળે જ મોત ટંકારા-વાંકાનેરમાં બે ઘરફોડ ચોરીની ઘટનાને અંજામ આપનારા વડોદરા-અમદાવાદના બે શખ્સની 4.39 લાખના મુદ્દામાલ સાથે ધરપકડ હળવદના રાતાભે ગામે ઘરમાં જુગાર રમતા 8 ઝડપાયા: 1.27 લાખનો મુદ્દામાલ કબજે મોરબી જિલ્લા ભાજપ કાર્યાલય ખાતે જિલ્લા અધ્યક્ષ જયંતીભાઈ રાજકોટીયાના હસ્તે ધ્વજવંદન, નાની બરાર ગામમાં સરપંચ દ્વારા વિદ્યાર્થીઓને સ્ટેશનરી કીટનું વિતરણ

Breaking news

Morbi Today

મોરબીમાં ગોડાઉનમાંથી ૧.૬૭ લાખના મુદામાલની ચોરીના ગુનામાં પાંચ આરોપીની ધરપકડ: એકની શોધખોળ

05-10-2022 11:37 AM

મોરબીના લાતી પ્લોટ વિસ્તારમાં મંડપ સર્વિસના ગોડાઉનને તસ્કરે નિશાન બનાવ્યું હતું અને ગોડાઉનમાંથી મંડપ સર્વિસના કામમાં ઉપયોગમાં લેવામાં આવતી અલગ અલગ ૧,૬૭,૭૫૦ રૂપિયાની કિંમતની ચીજ વસ્તુઓની ચોરી કરવામાં આવી હતી જેથી ભોગ બનેલા આધેડે મોરબી સીટી એ ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવી હતી જેના આધારે પોલીસે હાલમાં ચોરી કરનાર તેમજ ચોરાઉ માલ લેનાર સહિત પાંચ આરોપીઓને પકડવામાં આવેલ છે અને હજુ આ ગુનામાં એક આરોપીને પકડવાનો બાકી છે

મોરબીના રવાપર ઘુનડા રોડ ઉપર આવેલ ક્રિષ્ના સ્કૂલની સામે વેલકમ પ્રાઈઝ-સી બ્લોક નંબર ૫૦૨ માં રહેતા પ્રવીણભાઈ હંસરાજભાઈ રંગપરિયા જાતે પટેલ (ઉંમર ૪૯) એ મોરબી સીટી એ ડિવિઝન પોલીસ સ્ટેશન ખાતે અજાણ્યા શખ્સની સામે ચોરીની ફરિયાદ નોંધાવેલ હતી કે, તેનું શિવ મંડપ સર્વિસનું ગોડાઉન લાતી પ્લોટ શેરી નં-૨ માં આવેલ છે આ ગોડાઉનના તાળા તોડીને કોઈ અજાણ્ય શખ્સ દ્વારા ૨૭/૯ ના રાત્રીના સાડા આઠ વાગ્યાથી લઈને ૨૮/૯ ના રાત્રીના એક વાગ્યા સુધીના સમયગાળા દરમિયાન કોઇપણ સમયે ગોડાઉનમાં પ્રવેશ કરીને ગોડાઉનમાં પડેલ મંડપ સર્વિસમાં ઉપયોગમાં લેવામાં આવતી જુદી જુદી વસ્તુઓમાંથી ૧૬૭૭૫૦ ની કિંમતના મુદ્દામાલની ચોરી કરવામાં આવેલ છે જેથી ફરિયાદને આધારે પોલીસે ચોરીનો ગુનો નોંધીને આરોપીને પકડવા માટે તજવીજ શરૂ કરી હતી

દરમ્યાન એ ડિવિઝનના પીઆઈ એમ.પી. પંડ્યાના માર્ગદર્શન હેઠળ પીએસઆઇ આર.પી. રાના અને ડી સ્ટાફની ટીમ દ્વારા આ ગુનામાં હિતેશ દિલીપ પાટડીયા જાતે કોળી (૧૯) રહે. કબીર ટેકરી શેરી નં-૪, આકાશ મનોજભાઈ હામેણીયા જાતે દેવીપુજક (૨૫) રહે. નીલકમલ સોસાયટી નજીક લીલાપર રોડ મોરબી મૂળ આમરણ, અજય સવજી કુંઢીયા જાતે દેવીપુજક (૧૯) રહે. માળિયા ફાટક પાસે ઉમા ટાઉનશીપના ગેટ નજીક મૂળ દ્વારકાધીશ જીન પાસે ટંકારા, હજી મુસાભાઈ કુરેશી જાતે મુસ્લિમ (૩૦) રહે. કબીર ટેકરી શેરી નં-૩ અને આસિફ હમીદભાઈ શેખ જાતે સિપાઈ (૧૮) રહે માળિયા ફાટક પાસે કાંતિનગર મોરબી વાળાની ધરપકડ ધરપકડ કરવામાં આવેલ છે

વધુમાં મળતી માહિતી મુજબ આકાશ મનોજભાઈ હામેણીયાની રિક્ષા લઈને હિતેશ દિલીપ પાટડીયા, અજય સવજી કુંઢીયા અને આસિફ હમીદભાઈ શેખ ગોડાઉનમાં માલની ચોરી કરવા માટે ગયા હતા અને ચોરી કરેલ માલ હોવાની જાણ હતી તો પણ ભંગારનો ધંધો કરતાં હજી મુસાભાઈ કુરેશીએ તેની પાસેથી ચોરાઉ માલ લીધો હતો જેથી કરીને પોલીસે આ ગુનામાં કુલ મળીને પાંચ આરોપીને પકડેલ છે અને હજુ એક આરોપીને પકડવાનો બાકી છે તેને પકડવા માટે તજવીજ ચાલુ છે