મોરબી શહેર, તાલુકા અને જીલ્લામાં મંજૂર થયેલા રોડના કામ વહેલા પૂરા કરવાની માંગ

મોરબી શહેર, તાલુકા અને જીલ્લામાં ઘણા કામો મંજૂર કરવામાં આવેલ છે જો કે, આગામી સમયમાં વિધાનસભા ચુંટણી માટેની આચાર સંહિતા અમલમાં આવે તે પહેલા મોરબીના સામાજિક કાર્યકરે રાજ્યમંત્રીને રજૂઆત કરીને મંજુર થયેલા કામો વહેલી તકે પૂરા કરવામાં આવે તેવી માંગ કરી છે

મોરબીના સામાજિક કાર્યકર હસમુખભાઈ ગઢવીએ રાજ્યમંત્રી બ્રિજેશભાઇ મેરજાને લેખિતમાં રજૂઆત કરી છે જેમાં તેને જણાવ્યુ છે કે, વિધાનસભા ચુંટણીની આચાર સહિતા અમલમાં આવે તેવી શક્યતા છે જેથી કરીને તે પહેલા મોરબી શહેર, તાલુકા અને જીલ્લામાં સરકારે છેલ્લા વર્ષોમાં જેટલા કામોને મંજૂર કરેલ છે તે પૂરા કરવામાં આવે તે જરૂરી છે તેમણે જણાવ્યુ છે કે, મોરબી-હળવદ ફોરલેન, મોરબી-જેતપર ફોરલેન, મહેન્દ્રનગર ઓવરબ્રિજ, વાઘજી બાપુના બાવલા પાસે ઓવરબ્રિજ અને સેન્ટ મેરી સ્કૂલ પાસે રેલ્વે ઓવરબ્રિજ સહિતના કામો ઝડપથી કરવામાં આવેલ તેની સાથોસાથ રાજકોટ મોરબી ફોરલેનનું કામ છેલ્લા ઘણા વર્ષોથી ચાલુ છે તેને પણ પૂરું કરવામાં આવે તે જરૂરી છે