મોરબી પાલિકાના ચીફ ઓફિસર પાસે શું હોય સત્તા ?: કઈ સત્તા-કોના કહેવાથી થયો કરાર !
Morbi Today
મોરબીના કંડલા બાયપાસ નજીક રહેતા પરિવારની સગીર વયની દીકરી સાથે દુષ્કર્મ
SHARE
JOIN OUR GROUP
મોરબીના કંડલા બાયપાસ નજીક રહેતા પરિવારની સગીર વયની દીકરી સાથે દુષ્કર્મ
મોરબીના કંડલા બાયપાસ ઉપર રહેતા પરિવારની સગીરવયની દીકરીની સાથે દૂર વ્યવહાર કરવામાં આવ્યો હોય ભોગ બનેલ પરિવાર દ્વારા ફરિયાદ નોંધાવવામાં આવતા હાલ એ ડિવિઝન પોલીસ દ્વારા આ અંગે તપાસ હાથ ધરવામાં આવી હોવાનું સૂત્રોમાંથી જાણવા મળેલ છે.
બનાવ સંદર્ભે વધુમાં મળતી માહિતી મુજબ મોરબીના કંડલા બાયપાસ ઉપરના રહેણાંક વિસ્તારમાં રહેતા એક પરિવારની સગીર વયની દીકરી સાથે બળજબરીપૂર્વક દુષ્કર્મ આચારવામાં આવ્યું હતું અને બાદમાં સગીરને તારા ભાઈ અને પિતાને મારી નાંખીશ તેવી ધમકી આપવામાં આવી હતી જેથી કરીને ભોગ બનેલ સગીરા ડરી ગઈ હતી બાદમાં આ અંગે પરિવારજનોને સમગ્ર હકીકતની જાણ થતા તેમના પગ હેઠળથી જમીન નીકળી ગઈ હતી અને બાદમાં ભોગ બનેલ પરીવારે મોરબી સીટી એ ડિવિઝન પોલીસ મથક ખાતે નરસી નથુભાઇ સોલંકી નામના શખ્સની સામે ફરિયાદ નોંધાવતા પોલીસે આઈપીસી કલમ ૩૭૬ (દુષ્કર્મ) હેઠળ ગુનો નોંધ્યો છે.જેની તપાસ પીએસઆઇ પી.આર.સોનારા ચલાવી રહ્યા છે.
અકસ્માત ગુનામાં ધરપકડ
મોરબીના દરબારગઢ પાસે થોડા દિવસો પહેલા વાહન અકસ્માતનો બનાવ બન્યો હતો જેમાં સ્કૂલ બસના ડ્રાઇવર દ્વારા એક મહિલા અને તેના ત્રણ સંતાનોને હડફેટ લેવામાં આવ્યા હતા જેથી કરીને ચારેયને સારવારમાં ખસેડાયા હતા અને સારવાર દરમિયાન નૈકી નામની ૧૧ વર્ષીય બાળકીનું મોત નીપજ્યું હતું જે અંગે ફરિયાદ નોંધાવા પામી હતી અને તેની તપાસ દરમિયાન મોરબી સીટી એ ડિવિઝન પીએસઆઇ કે.એચ.ભોચીયા દ્વારા બેદરકારીપૂર્વક ડ્રાઇવિંગ કરી એક જ પરિવારના ચાર સભ્યોને હડફેટ લઇ બાળકીનું મોત નિપજાવનાર બસના ચાલક ભરત નાનજી પઢિયાર જાતે રજપૂત (ઉમર ૫૬) ધંધો ડ્રાઇવિંગ રહે. ખત્રીવાડ વઢવાણિયા શેરી દરબારગઢ પાસે મોરબી વાળાની ઉપરોક્ત ગુનામાં ધરપકડ કરવામાં આવી હોવાનું જાણવા મળેલ છે.
