સીએમની શપથવિધિમાંથી મોરબી પરત આવતી કાર ઉપર સુંદરગઢ ગામ પાસે લૂંટના ઇરાદે પથ્થરમારો ?
Morbi Today
મોરબીના મહેન્દ્રનગર ગામે ડબલ સવારી બાઇકને હડફેટ લઇને યુવાનનું મોત નિપજાવનાર આઇસર ચાલકની ધરપકડ
SHARE
JOIN OUR GROUP
મોરબીના મહેન્દ્રનગર ગામે ડબલ સવારી બાઇકને હડફેટ લઇને યુવાનનું મોત નિપજાવનાર આઇસર ચાલકની ધરપકડ
મોરબીના સામાકાંઠે આવેલા મહેન્દ્રનગર ગામે રામધન આશ્રમની નજીક વાહન અકસ્માતનો બનાવ બન્યો હતો.જેમાં ડબલ સવારીમાં જઈ રહેલા બે યુવાનોને આઇસર જેવા વાહનના ચાલકે હડફેટે લેતા સર્જાયેલ અકસ્માતમાં એક યુવાનનું મોત નીપજ્યું હતું જ્યારે એકને ઈજા પહોંચતા સારવારમાં ખસેડાયો હતો.સારવારમાં રહેલા યુવાને ફરિયાદ નોંધાવેલ હતી જેને પગલે પોલીસે ગુનો નોંધીને આઇસર ચાલકની ધરપકડ કરેલ છે.
મોરબીના સામાકાંઠે મહેન્દ્રનગર ગામના પાટીયા પાસે મહેન્દ્રનગર ગામેથી માળીયા જતા રોડ ઉપર રામધન આશ્રમની સામે થોડા સમય પહેલા વાહન અકસ્માતનો બનાવ બન્યો હતો.જેમાં હીરો હોન્ડા લઈને ભરત બાબુભાઈ પઢિયાર (ઉમર ૧૯) રહે. પીઠડ તાલુકો જોડીયા જી.જામનગર તથા તેમના ફુવાનો દીકરો ઉમેશ રાજેશ ચૌહાણ (ઉમર ૨૦) બંને મહેન્દ્રનગર ગામની બહાર નીકળ્યા હતા અને માળિયા ફાટક તરફ જતા હતા ત્યારે કોઈ અજાણ્યા આઇસર જેવા ટ્રક ચાલકે તેમના બાઈકને હડફેટે લેતા સર્જાયેલ અકસ્માત બનાવવામાં ઉમેશ રાજેશ ચૌહાણ નામના યુવાનનું મોત નીપજયુ હતું. જ્યારે ભરત બાબુભાઇ પઢીયાર રહે. પીઠડ વાળાને ઇજાઓ પહોંચી હતી જેથી તેને સારવારમાં ખસેડાયો હતો બાદમાં ભોગ બનેલ ભરત બાબુભાઇ પઢિયાર દ્વારા મોરબી સીટી બી ડિવિઝન પોલીસ મથક ખાતે અજાણ્યા આઇસર જેવા ટ્રકના ચાલક સામે ફરિયાદ નોંધાવવામાં આવી હતી જેની તપાસ ચલાવી રહેલા પીએસઆઇ જે.બી.રાણા દ્વારા ઉપરોક્ત વાહન અકસ્માત સર્જીને યુવાનનું મોત નિપજાવનાર આઇસર ચાલક પ્રભુસિંગ ભુરસિંગ રાવત જાતે રાજપુત (ઉમર ૩૧) હાલ રહે. ટ્રાન્સપોર્ટનગર અમદાવાદ મૂળ રહે. કાલેટરા ભીમ રાજસ્થાન વાળાની ધરપકડ કરીને આગળની તપાસ હાથ ધરેલ છે.
વાહન અકસ્માતમાં ઇજા
મોરબીના સામાકાંઠે નવી પીપળી ગામે આવેલ ઓમપાર્કમાં રહેતા ચંદુભાઈ ભીખાભાઈ પિત્રોડા નામના ૫૨ વર્ષના આધેડ તા.૧૧ ના સાંજે સાડા છએક વાગ્યે મોટરસાયકલ લઈને નીચીમાંડલ ગામ પાસેથી જતા હતા ત્યારે ત્યાં રસ્તામાં આવેલ ભારત ચેમ્બર નજીક તેઓનું બાઈક અકસ્માતે સ્લીપ થઈ જતા ઇજા પામેલ ચંદુભાઈને સારવારમાં ખસેડાયા હતા.તેમજ મોરબીના વાંકાનેર હાઇવે ઉપર આવેલ જાંબુડીયા ગામે રહેતા શૈલેષ નરવતભાઇ ડામોર નામના ૨૨ વર્ષના યુવાનને જાંબુડીયા ગામ પાસેના ઓવરબ્રિજ નજીક બાઇક ચાલકે હડફેટે લેતા ઇજા પામેલ શૈલેષ ડામોરને અત્રેની સિવિલે સારવારમાં ખસેડાયો હતો.
યુવાન સારવારમાં
મોરબીના સામાકાંઠે આવેલ ભીમસર વિસ્તારમાં રહેતો અરજણ હિંદુભાઈ કુંઢીયા જાતે દેવીપુજક નામનો ૨૫ વર્ષનો યુવાન માળિયા હાઇવે ઉપરથી જતો હતો ત્યારે ભરતનગર ગામ પાસે અજાણ્યા વાહનના ચાલકે તેની રીક્ષાને હડફેટે લીધી હતી જેથી કરીને ઇજાઓ તથા અરજણ કુંઢીયાને સિવિલે સારવારમાં ખેસેડાયો હતો.
