વાંકાનેરના વિડી ભોજપરા પાસે ખરાબાની જમીનમાંથી ૮,૬૦,૭૬૯ ની ખનીજ ચોરી
Morbi Today
મોરબીની લીલાપર ચોકડીએ ડમ્પર ચાલકે ડબલ સવારી બાઈકને હડફેટે લેતા એકનું મોત, એકને ઇજા
SHARE
JOIN OUR GROUP
મોરબીની લીલાપર ચોકડીએ ડમ્પર ચાલકે ડબલ સવારી બાઈકને હડફેટે લેતા એકનું મોત, એકને ઇજા
મોરબીની લીલાપર ચોકડી પાસેથી ડબલ સવારી બાઈક પસાર થતું હતું ત્યારે તેને ડમ્પર ચાલકે હડફેટે લીધું હતું જેથી કરીને બાઈક ઉપર જઈ રહેલા બંને યુવાનોને ઇજા થઈ હતી જે પૈકીના એક યુવાનને માથામાં ગંભીર ઇજા થયેલ હોવાથી તેનું સારવાર દરમિયાન મોત નીપજ્યું હતું અને ડમ્પર ચાલાક અકસ્માત સર્જીને તેનું વાહન લઈને નાસી ગયો હતો જેથી હાલમાં ઈજા પામેલ વ્યક્તિની ફરિયાદ લઈને પોલીસે ડમ્પર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી પ્રમાણે મૂળ નેપાળના રહેવાસી અને હાલમાં મોરબીના લીલાપર કેનાલ રોડ ઉપર રામકો બંગલો સનરાઈઝ એપાર્ટમેન્ટના ગ્રાઉન્ડ ફ્લોર ઉપર રહેતા રમેશભાઈ વીરબહાદુર થાપા (ઉંમર ૨૪) એ ડમ્પર નંબર જીજે ૧૦ એક્સ ૯૯૪૩ ના ચાલક સામે ફરિયાદ નોંધાવી છે જેમાં તેણે જણાવ્યું છે કે તેઓ મોરબીની લીલાપર ચોકડી ઉપર આવેલ પેપર મીલ સામેના રોડ ઉપરથી બાઈક નંબર જીજે ૨૧ એલ ૯૧૪૪ લઈને પસાર થતા હતા ત્યારે ડમ્પર ચાલકે તેને હડફેટે લીધું હતું અને અકસ્માતમાં બનાવ બન્યો હતો જેમાં બાઈક ઉપર જઈ રહેલ ગંગમહર (૩૪) નામના યુવાનને માથામાં ગંભીર ઇજા થવાથી સારવાર દરમિયાન તેનું મોત નિપજ્યું હતું અને રમેશભાઈ થાપાને ઇજાઓ થઈ હોવાથી તેને સારવારમાં ખસેડવામાં આવ્યા છે જોકે ઇજાગ્રસ્ત યુવાને નોંધ આવેલ ફરિયાદ આધારે પોલીસે ડમ્પર ચાલક સામે ગુનો નોંધીને આરોપીને પકડવા માટે શરૂ કરેલ છે
દારૂ સાથે ઝડપાયો
હળવદની મોરબી ચોકડી પાસે ઉભેલા શખ્સને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની નાની પાંચ બોટલો મળી આવી હોય પોલીસે ૭૫૦ રૂપિયાની કિંમતનો દારૂનો જથ્થો કબજે કરીને મૂળ રાજસ્થાનના રહેવાસી અને હાલમાં રામદેવ હોટલ મોરબી ખાતે રહેતા જોગારામ ભોમારામ ચૌધરી જાતે જાટ (ઉંમર ૧૯) નામના શખ્સની ધરપકડ કરેલ છે અને તેની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં તપાસ શરૂ કરવામાં આવી છે
