મોરબીમાં વરસાદના પાણીથી દુકાનદારને થયેલ નુકશાનનું વળતર ચૂકવવા ગ્રાહક તકરાર કોર્ટનો આદેશ
Morbi Today
મોરબીમાં ત્રણ શખ્સો સાથે આડા સબંધનો આક્ષેપ કરીને પતિએ પત્નીને હોકી વડે ફટકારી
SHARE
JOIN OUR GROUP
મોરબીમાં ત્રણ શખ્સો સાથે આડા સબંધનો આક્ષેપ કરીને પતિએ પત્નીને હોકી વડે ફટકારી
મોરબીની આદર્શ સોસાયટીમાં રહેતી પરણીતાને તેના પતિએ હોકી વડે માર માર્યો હતો અને જેથી મહિલાને માથામાં હેમરેજ જેવી ઈજા થઈ હતી અને તેના બાળકને પણ ઈજા થઈ હોવાથી બંનેને સારવાર માટે લઈ જવામાં આવ્યા હતા અને સારવાર લીધા બાદ ભોગ બનેલ પરિણીતાએ તેના પતિ સામે મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેના જણાવ્યુ છે કે, ત્રણ શખ્સો સાથે તેને આડા સબંધ છે તેવો આક્ષેપ કરીને તેના પતિએ તેને માર માર્યો છે જેથી કરીને પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
મોરબીમાં સનાળા રોડ ઉપર સરદાર બાગની પાછળના ભાગમાં આવેલ આદર્શ સોસાયટીમાં રહેતા શ્રદ્ધાબેન નીરવભાઈ રાજપરા જાતે પટેલ (૩૨) એ હાલમાં તેના પતિ નીરવભાઈ વલ્લભભાઈ રાજપરા રહે. આદર્શ સોસાયટી મોરબી વાળાની સામે ફરિયાદ નોંધાવેલ છે જેમાં તેણે જણાવ્યુ છે કે, તેના પતિ નીરવભાઈએ હોકી વડે તેને માર માર્યો હતો અને માથામાં હોકી મારી હોવાથી તેને માથામાં હેમરેજ જેવી ઈજા થયેલ છે અને આઠથી દસ જેટલા ટાંકા આવેલ છે તેમજ ડાબા હાથના કાંડામાં અને શરીરે પણ ઇજાઓ કરી હતી અને ગાળો આપીને જાનથી મારી નાખવાની ધમકી આપી હતી અને આ તકે તેના દીકરા વિધાન રાજપરા (૬)ને પણ ઇજા થઈ હતી જેથી કરીને માતા પુત્ર બંનેને સારવારમાં ખસેડવામાં આવ્યા હતા અને સારવાર લીધા બાદ શ્રદ્ધાબેન રાજપરાએ તેના પતિની સામે ફરિયાદ નોંધાવી છે
હાલમાં ભોગ બનેલા મહિલાએ નોંધાવેલ ફરિયાદમાં જણાવ્યુ છે કે, તેનો દીકરો વિધાન ટ્યુશનમાં ગયો હતો ત્યાંથી સીધા જ તેનો પતિ તેને લઈને જતો રહ્યો હતો અને ત્યાર બાદ મહિલા તેના દીકરાને લેવા માટે તેના પતિને ઘરે ગઈ હતી ત્યારે તેને ગાલ ઉપર લાફા માર્યા હોવાનું જોવા મળ્યું હતું જે બાબતે પતિ અને પત્ની વચ્ચે બોલાચાલી થયેલ હતી અને બાદમાં આરોપી પતિ હોકી લઈને આવ્યો હતો અને ફરિયાદી બહેનને માથામાં અને શરીરે હોકી વડે માર માર્યો હતો અને ત્યારે તે કહેતો હતો કે, મેહુલભાઈ (મેહુલ સ્ટુડિયો વાળા), અજયભાઈ લોરીયા અને ફિજિયો ફિટ વાળા હર્ષદભાઈ સાથે તારે આડા સબંધ છે તે તું સ્વીકારી લે નહીં તો તને જાનથી મારી નાખીશ જેથી કરીને મહિલાએ નોંધાવેલ ફરિયાદ આધારે પોલીસે ગુનો નોંધીને આરોપી પતિને પકડવા માટે તજવીજ શરૂ કરી છે
