અમદાવાદથી પાસાના આરોપીઓને ભુજની જેલમાં મૂકવા જતી પોલીસની બસનો હળવદ પાસે અકસ્માત
Morbi Today
ટંકારાના હરીપર પાસે ટ્રકનો ઓવરટેક કરવા જતાં ઈકો કારનો અકસ્માત: દંપતીને ઇજા
SHARE
JOIN OUR GROUP
ટંકારાના હરીપર પાસે ટ્રકનો ઓવરટેક કરવા જતાં ઈકો કારનો અકસ્માત: દંપતીને ઇજા
મોરબી રાજકોટ હાઇવે રોડ ઉપર આવેલ હરીપર ગામ નજીક ઈકો કારના ચાલકે ટ્રકનો ઓવરટેક કરવા જતા અકસ્માતમાં બનાવ બન્યો હતો અને તેમાં ઈકો કાર ટ્રકની પાછળના ભાગમાં અથડાતા કારમાં બેઠેલ દંપતીને ઇજા થઇ હતી જેથી તેને સારવારમાં ખસેડવામાં આવેલ છે અને હાલમાં મહિલાએ ઇકો કારના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી વિગત પ્રમાણે રાજકોટના આંબેડકરનગર શેરી નં. ૧૪ માં વર્કશોપની પાછળના ભાગમાં રહેતા લાભુબેન રમેશભાઈ પરમાર (ઉંમર ૫૦) એ ઇકો કાર નંબર જીજે ૩ એચએ ૫૫૨૮ ના ચાલક ચંદ્રેશભાઇ પ્રવીણભાઈ વાઘેલા રહે. રાજકોટ વાળાની સામે ફરિયાદ નોંધાવી છે જેમાં તેણે જણાવ્યું છે કે, મોરબી રાજકોટ હાઇવે ઉપર આવેલ હરિપર ગામ પાસેથી આરોપી પોતાની ઇકો કારને ટ્રકનો ઓવરટેક કરવા જતા ટ્રકની પાછળના ભાગમાં ઇકો કાર અથડાઈ હતી જેથી કરીને કારમાં બેઠેલ ફરિયાદી લાભુબેન તથા તેના પતિ રમેશભાઈ રાણાભાઇ પરમાર બંનેને ઇજાઓ થઈ હોવાથી તેને સારવારમાં ખસેડવામાં આવ્યા હતા અને સારવાર લીધા બાદ મહિલાએ ઇકો કારના ચાલકની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
છરી સાથે ત્રણ પકડાયા
મોરબી નજીકના લાલપર ગામ પાસે બસ સ્ટેન્ડ નજીક ઉભેલા શખ્સને પોલીસે ચેક કરતા તેની પાસેથી છરી મળી આવી હોય પોલીસે અનિલ અમીનભાઈ મીનસરીયા જાતે ખોજા (૩૦) રહે. રણછોડનગર મોરબી વાળાની ધરપકડ કરી હતી અને મોરબી તાલુકા પોલીસ સ્ટેશને ગુનો નોધવામાં આવેલ છે આવી જ રીતે મોરબીના જુના બસ સ્ટેશન પાસે ઉભેલા બે શખ્સોને પોલીસે ચેક કર્યો હતો ત્યારે તેની પાસેથી છરી મળી આવતા પોલીસે આરીફ મુસ્તાકભાઈ બલોચ જાતે મકરાણી (૪૨) રહે. મકરાણીવાસ મોરબી અને હસન સુલેમાનભાઈ જામ જાતે મિયાણા (૪૧) રહે. મચ્છી પીઠ મોરબી વાળા પાસેથી પણ છરીઓ મળી આવતા એ ડિવિઝન પોલીસે તેની ધરપકડ કરીને ગુના નોંધીને આગળની કાર્યવાહી હાથ ધરી હતી
