ગુજરાતમાં નવા મંત્રીઓ-ચેરમેન તથા ડીરેકટરોની નિમણુક થાય તો લોકોના કામો ઝડપથી થાય : પી.પી.જોષી
Morbi Today
મોરબીમાં મુખ્ય માર્ગો ઉપરના દબાણો દૂર કરવા માટે પાલિકા સાથે કરીશું સંકલન: આઇજી
SHARE
JOIN OUR GROUP
મોરબીમાં મુખ્ય માર્ગો ઉપરના દબાણો દૂર કરવા માટે પાલિકા સાથે કરીશું સંકલન: આઇજી
મોરબી જિલ્લામાં પોલીસના વાર્ષિક ઇન્સપેકશન બાદ આઇજીની પત્રકાર પરિષદ યોજાઇ હતી જેમાં મોરબી જીલ્લામાં પોલીસની કામગીરી ખૂબ જ સારી હોવાની આઇજીએ જણાવ્યુ હતું તેમાં મોરબીની વર્ષો જૂની ટ્રાફિકની સમસ્યાને ઉકેલવા માટે આગામી દિવસોમાં પાલિકાની સાથે સંકલન કરીને આ પ્રશ્ને ઉકેલવા માટેનું કામ કરવામાં આવશે તેવુ આઇજી અશોકકુમાર યાદવે જણાવ્યુ હતુ
મોરબીમાં શોભેશ્વર રોડ ઉપર આવેલ એસપી ઓફિસ ખાતે રેન્જ આઈજી અશોકકુમાર યાદવની પત્રકાર પરિષદ યોજાઇ હતી જેમાં તેને જણાવ્યુ હતું કે, મોરબી સિરામિક એસો., મોરબી પેપર મિલ એસો., મોરબી ટ્રક ટ્રાન્સપોર્ટ એસો. સહિતના સંગઠનના આગેવાનો સાથે બેઠકો કરવામાં આવી હતી અને તેની સમસ્યાને જાણીને ઉકેલવા માટેની કામગીરી કરવાની ખાતરી આપવામાં આવેલ છે આ ઉપરાંત આઈજીએ જણાવ્યું હતું કે રાજ્યમાં વ્યાજના દૂષણને ડામવા માટે અસરકારક કામ કરવામાં આવી રહ્યું છે ત્યારે મોરબી જીલ્લામાં પણ ગુના નોંધીને પોલીસે ૪૪ જેટલા આરોપીને પકડેલ છે અને આગામી દિવસોમાં વ્યાજખોરો સામે પાસા હેઠળ કાર્યવાહી કરવામાં આવશે આટલું જ નહીં ઇન્કમ ટેક્ષ સહિતના વિભાગને પણ આ અંગેની જાણ કરવામાં આવશે
વધુમાં મોરબીની ટ્રાફિક સમસ્યા માટે અસરકારક કામ કરવામાં આવી રહ્યું નથી જેથી કરીને લોકોને હેરાન થવું પડે છે અને બીજી બાજુ રસ્તા અને જુદાજુદા ચોકમાં લારી, ગલ્લા પથરાણા ટ્રાફિક પોલીસની હાજરી હોય છે ત્યાં જોવા મળે છે તે કેમ સીસીટીવી કેમેરામાં દેખાતા નથી ? અને વાહન ચાલકોને ઘરે મેમાં આવી જાય છે જેથી રસ્તા ઉપર લોકો વાહન પાર્ક કરી શકે તેના માટે તમામ દબાણોને દૂર કરવામાં નક્કર કામગીરી કરવામાં આવે તે અનિવાર્ય છે તેવું પત્રકારે કહેતા રેન્જ આઈજીએ કહ્યું હતું કે, ટ્રાફિકની સમસ્યાને ઉકેલવા માટે પાલિકા સાથે સંકલન કરીને પોલીસ વિભાગ દ્વારા પાર્કિંગ માટેની અને ટ્રાફિકની યોગ્ય વ્યવસ્થા કરવામાં આવશે જો કે, આવું વર્ષોથી પોલીસ અધિકારીઓ કહે છે પરંતુ નક્કર કામ કરવામાં નથી આવતું તે નારી વાસ્તવિક્તા છે
