ટંકારાની સેવક ઓઇલ ઇન્ડસ્ટ્રીઝમાંથી રાજસ્થાન મોકલાયેલ ખોળની ૭૩૦ બોરી ચાઉ !: ૧૦.૫૨ લાખની છેતરપિંડી
Morbi Today
વાંકાનેરની પેડક સોસાયટીમાં ઘર પાસે ઉભેલા વૃદ્ધને ત્રણ શખ્સોએ ગાળો આપીને લાકડી-ઢીકાપાટુનો માર માર્યો
SHARE
JOIN OUR GROUP
વાંકાનેરની પેડક સોસાયટીમાં ઘર પાસે ઉભેલા વૃદ્ધને ત્રણ શખ્સોએ ગાળો આપીને લાકડી-ઢીકાપાટુનો માર માર્યો
વાંકાનેર શહેરમાં આવેલ પેડક સોસાયટીમાં વૃદ્ધના ઘર પાસેથી પસાર થતાં ત્રણ શખ્સોએ તેને ગાળો આપીને ઢીકા પાટુનો અને લાકડી વડે માર માર્યો હતો તેમજ જાનથી મારી નાખવાની ધમકી આપી હતી જેથી ભોગ બનેલા વૃદ્ધ દ્વારા સારવાર લીધા બાદ ત્રણ શખ્સોની સામે વાંકાનેર સિટી પોલીસ સ્ટેશન ખાતે ફરિયાદ નોંધવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરવામાં આવી છે
બનાવની જાણવા મળતી માહિતી મુજબ વાંકાનેર શહેરમાં આવેલ પેડક સોસાયટીમાં એસ્સાર કંપનીના પંપની પાછળના ભાગમાં રહેતા જેરામભાઈ જીવાભાઇ વોરા (૬૫) એ હાલમાં રમેશભાઈ હીરાભાઈ વોરા અને તેના બે દીકરા કિશોરભાઈ રમેશભાઈ વોરા તથા ભરતભાઈ રમેશભાઈ વોરા રહે. ત્રણેય પેડક સોસાયટી વાંકાનેર વાળાની સામે ફરિયાદ નોંધાવી છે જેમાં તેણે જણાવ્યું છે કે તેઓ પોતાના ઘર પાસે ઊભા હતા ત્યારે ત્યાંથી રમેશભાઈ અને તેના બે દીકરાઓએ ત્યાંથી નીકળ્યા હતા અને ફરિયાદીની સામે જોઈને તેને ગાળો આપી હતી અને ગાળો બોલીને ઢીકા પાટુ તેમજ લાકડી વડે માર માર્યો હતો અને જાનથી મારી નાખવાની ધમકી આપી હતી જેથી કરીને ભોગ બનેલા વૃદ્ધ દ્વારા સારવાર લેવામાં આવ્યા બાદ વાંકાનેર સિટી પોલીસ સ્ટેશન ખાતે ત્રણેય શખ્સોની સામે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની તપાસ શરૂ કરેલ છે
