મોરબીમાં અગાઉના ઝઘડાનો ખાર રાખીને નિવૃત એએસઆઈને બેઝબોલના ધોકા વડે માર માર્યો
Morbi Today
મોરબીના ટિંબડી નજીક સીરામીક કારખાનામાં મશીનમાં હાથ આવી જતાં ઇજા પામેલા યુવાન સારવારમાં
SHARE
JOIN OUR GROUP
મોરબીના ટિંબડી નજીક સીરામીક કારખાનામાં મશીનમાં હાથ આવી જતાં ઇજા પામેલા યુવાન સારવારમાં
મોરબી માળિયા હાઇવે ઉપર ટિંબડી ગામના પાટીયા પાસે આવેલ સીરામીક કારખાનામાં મજૂરી કામ દરમિયાન યુવાનનો હાથ મશીનમાં આવી ગયો હતો જેથી ગંભીર રીતે ઈજા પામેલા યુવાનને સારવાર માટે મોરબી શહેરના શનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબી માળિયા હાઇવે ઉપર આવેલ ટિંબડી ગામના પાટીયા પાસે ઈવાન્ટા સીરામીકમાં રહેતો અને ત્યાં મજૂરી કામ કરતો યસદીપ દશરથભાઈ પાલ (૧૮) નામનો યુવાન કારખાનામાં મશીન ઉપર કામ કરી રહ્યો હતો ત્યારે કામગીરી દરમિયાન તેનો હાથ મશીનમાં આવી ગયો હતો જેથી કરીને તેને ગંભીર ઈજા થઇ હોવાથી યુવાનને તાત્કાલિક સારવાર માટે મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને આ બનાવમાં ઇજા પામેલા યુવાને સારવાર આપ્યા બાદ હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
મારા મારીમાં ઇજા
મોરબીના નવલખી રોડ ઉપર મારામારીનો બનાવ બન્યો હતો જેમાં ઇજા પામેલ કાળુભાઈ સાદુરભાઈ વાઘેલા (૨૩) તથા સાદુરભાઈ દેવશીભાઈ વાઘેલા (૫૦) ને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની સિવિલ હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશનના હિતેશભાઈ મકવાણા ચલાવી રહ્યા છે
ઝરી દવા પીધી
વાંકાનેર તાલુકાના વાકિયા ગામની સીમમાં મુન્નાભાઈની વાડીએ વાકિયા ગામે રહેતો ધીરજ જેસિંગ અજાણા (૨૨) નામનો યુવાન કોઈ કારણોસર ઝેરી દવા પી ગયો હતો જેથી તેને સારવાર માટે મોરબી શહેરના સામાકાંઠા વિસ્તારમાં આવેલ ખાનગી હોસ્પિટલમાં લઈને આવ્યા હતા અને આ બનાવની જાણ કરવામાં આવતા પોલીસે બનાવની નોધ કરીને રાબેતા મુજબની કાર્યવાહી કરેલ છે અને આ બનાવવાની આગળની તપાસ વાલભા ચાવડા ચલાવી રહ્યા છે
