મોરબી જિલ્લામાં પોલીસ ઘરે ઘરે જઈને સિનિયર સિટીજનોને આપશે સાયબર ક્રાઇમની સમજણ
Morbi Today
મોરબીના જાંબુડીયા પાસે ડમ્પર ચાલકે ડબલ સવારી બાઇકને હડફેટે લેતા ઇજા પામેલ મહિલાનું સારવારમાં મોત
SHARE
JOIN OUR GROUP
મોરબીના જાંબુડીયા પાસે ડમ્પર ચાલકે ડબલ સવારી બાઇકને હડફેટે લેતા ઇજા પામેલ મહિલાનું સારવારમાં મોત
મોરબી વાંકાનેર હાઇવે ઉપર આવેલ જાંબુડીયા ગામ પાસેના ઓવરબ્રિજ નીચે સર્વિસ રોડ પાસે અકસ્માતમાં બનાવ બન્યો હતો ત્યારે ડબલ સવારી બાઇકને ડમ્પર ચાલકે હડફેટે લેતા યુવાન અને તેની માતાને ઇજા થઈ હતી અને બંનેને સારવારમાં ખસેડવામાં આવ્યા હતા દરમ્યાન મહિલાનું મોત નીપજયું હતું જેથી કરીને હાલમાં મૃતક મહિલાના દીકરાએ મોરબી તાલુકા પોલીસ સ્ટેશન ખાતે ડમ્પરના ચાલક સામે ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના વેજીટેબલ રોડ ઉપર આવેલ ભીમસર ખાતે રહેતા હરેશભાઈ જયંતીભાઈ કુંઢીયા જાતે દેવીપુજક (૨૦) એ ડમ્પર નંબર જીજે ૧૩ એડબલ્યુ ૮૫૮૮ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, તેનો ભાઈ પ્રકાશ તેના બાઈક નંબર જીજે ૩ એઆર ૮૦૬૭ ઉપર તેમના માતા જયાબેનને બેસાડીને મોરબી તાલુકાના જાંબુડીયા ગામ પાસે આવેલ ઓવરબ્રિજ નજીકથી પસાર થઈ રહ્યો હતો ત્યારે ઓવરબ્રિજના સર્વિસ રોડ ઉપર આવેલ ડમ્પરના ચાલકે તેના બાઇકને હડફેટે લીધું હતું જેથી અકસ્માતનો બનાવ બન્યો હતો જેમાં પ્રકાશભાઈ અને ફરિયાદીના માતા જયાબેન જયંતીભાઈ કુંઢીયાને ઇજાઓ થઈ હતી જેથી તે બંનેને ૧૦૮ મારફતે તાત્કાલિક સારવાર માટે પ્રથમ મોરબી લઈને આવ્યા હતા અને ત્યાંથી વધુ સારવાર માટે જયાબેનને રાજકોટ સુધી લઈ ગયા હતા જોકે સારવાર કારગત નહીં નિવડતા તેનું સારવાર દરમિયાન મોત નીપજયું છે અને અકસ્માતના આ બનાવ સંદર્ભે મૃતક મહિલાના દીકરા હરેશભાઈ કુંઢીયા દ્વારા ડમ્પર ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
અકસ્માતમાં નુકશાન
મોરબી વાંકાનેર હાઇવે ઉપર આવેલ દરિયાલાલ હોટલ પાસેથી મોરબીના આલાપ રોડ ઉપર આવેલ અંજની પાર્કના પ્લોટ નંબર ૪૯ માં રહેતા સુકેતુકુમાર સુરેશભાઈ અઘારા જાતે પટેલ (૪૦) પોતાની જેન એસટીલીનો કાર નંબર જીજે ૩ ડીસી ૧૦૬૫ લઈને જઈ રહ્યા હતા ત્યારે ટ્રક નંબર જીજે ૧૪ ઝેડ ૯૮૨૮ ના ચાલકે અચાનક કાઉ મારતા કાર સાથે તેનું વાહન અથડાવ્યું હતું જેથી કરીને કાર રોડ ઉપર પલટી મારી ગઈ હતી અને કારમાં નુકસાન થયું હતું જો કે, અકસ્માત સર્જીને આરોપી પોતાના હવાલા વાળો ટ્રક રોડ ઉપર રેઢો મૂકીને નાશી ગયો હતો જેથી ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે ટ્રક ચાલક સામે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે
