મોરબીના ઘુંટુ ગામેથી પકડાયેલ દારૂના જથ્થા બાબતે સુરેન્દ્રનગરના શખ્સની ધરપકડ
Morbi Today
મોરબીમાં ફેબાના હાથમાંથી નીચે પડતાં ઇજા પામેલ ૧૦ માસના ભત્રીજાનું મોત
SHARE
JOIN OUR GROUP
મોરબીમાં ફેબાના હાથમાંથી નીચે પડતાં ઇજા પામેલ ૧૦ માસના ભત્રીજાનું મોત
મોરબી તાલુકાના ખાનપર ગામે ભાઈના દસ માસના દીકરાને લઈને જતી યુવાનની ૧૧ વર્ષની બહેનને ખેતરમાં ઠેસ આવતા તે નાના બાળક સાથે નીચે પડી હતી જેથી કરીને દસ માસના બાળકને ગંભીર ઇજા થઈ હોવાથી પ્રથમ સારવાર માટે મોરબી અને ત્યાંથી વધુ સારવાર માટે રાજકોટ લઈ ગયા હતા જો કે ત્યાં સારવાર દરમિયાન તે બાળકનું મોત થયું છે જેથી કરીને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી પ્રમાણે મોરબી તાલુકાના ખાનપર ગામે રહેતા રણજીતભાઈ બિલવાડના ૧૦ માસના દીકરા વનરાજને તેડીને રણજીતભાઈની નાની બહેન બહેન અંજુ (૧૧) લઈને ખેતરમાં જઈ રહી હતી ત્યારે તેને ઠેસ આવતા તે નાના બાળક સાથે નીચે પટકાઈ હતી જેથી કરીને બાળકને માથા અને શરીર ગંભીર ઈજા થઇ હોવાથી તેને પ્રથમ સારવાર માટે મોરબીની સિવિલ હોસ્પિટલમાં લઈને આવ્યા હતા અને ત્યાં તેને પ્રાથમિક સારવાર આપ્યા બાદ વધુ સારવાર માટે રાજકોટ લઈ ગયા હતા અને ત્યાં રાજકોટ ખાતે સારવાર દરમિયાન વનરાજ નામના ૧૦ માસના બાળકનું મોત નીપજ્યું હતું જેથી કરીને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
મારામારીમાં ઇજા
મોરબી વાંકાનેર હાઇવે ઉપર આવેલ મકનસર ગામે ઘર પાસે મારામારીનો બનાવ બન્યો હતો જે બનાવવામાં નેહાબેન હીરાભાઈ પરમાર (૨૨) નામની પરણીતાને ઇજાઓ થઈ હતી જેથી કરીને ઈજા પામેલ મહિલાને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ હોસ્પિટલ મારફતે આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરવામાં આવી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના મણીભાઈ ગામેતી ચલાવી રહ્યા છે
મારામારીમાં ઇજા
મોરબીના લીલાપર પાસે રહેતા જયશ્રીબેન કડવાભાઈ ડાભી (૩૮) નામની મહિલાને મારામારીના બનાવમાં ઈજા થઈ હતી જેથી ઈજા પામેલ મહિલાને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને સિવિલ હોસ્પિટલે મહિલાને સારવાર આપવામાં આવ્યો બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના મણીભાઈ ગામેતીએ કરી હતી અને આ બનાવ એ ડિવિઝન પોલીસની હદમાં હોવાથી એ ડિવિઝન પોલીસને જાણ કરી હતી
