ટંકારાના હરબટીયાળી ગામની શાળાના શિક્ષિકાનું ડીડીઓના હસ્તે કર્યું સન્માન
Morbi Today
મોરબીમાં લાખોની ચોરીના ગુનામાં ૧.૩૧ લાખના મુદામાલ સાથે વધુ એક આરોપી ઝડપાયો: ૩ દિવસના રિમાન્ડ મંજૂર
SHARE
JOIN OUR GROUP
મોરબીમાં લાખોની ચોરીના ગુનામાં ૧.૩૧ લાખના મુદામાલ સાથે વધુ એક આરોપી ઝડપાયો: ૩ દિવસના રિમાન્ડ મંજૂર
મોરબીના કાયાજી પ્લોટ વિસ્તારમાં રહેતો પરિવાર રાજકોટમાં પ્રસંગ હોવાથી ત્યાં ગયો હતો અને તેઓનું ઘર બંધ હતું દરમિયાન તે બંગલામાં ચોરી કરવામાં આવી હતી જેની વેપારીએ નોંધાવેલ ફરિયાદ આધારે પોલીસે આ ગુનામાં બંગલાના જૂના ચોકીદાર અને એક નેપાળી દંપતિની ધરપકડ કરી હતી ત્યાર બાદ પોલીસે આ ગુનામાં અગાઉ પકડાયેલા જૂના ચોકીદારના દીકરાની ધરપકડ કરેલ છે અને તેની પાસેથી દાગીના અને રોકડ મળીને ૧.૩૧ લાખનો મુદામાલ કબજે કરેલ છે અને તેને કોર્ટમાં રજૂ કરવામાં આવતા કોર્ટે આરોપીના ત્રણ દિવસના રિમાન્ડ મંજૂર કરેલ છે
મોરબીના વેપારી હિમાંશુભાઇ ચંદ્રકાંતભાઇ ચંડીભમ્મરના ઘરે દાગીના અને રોકડ મળીને સરકારી ચોપડે નોંધાયેલ આંકડા મુજબ ૨૫.૫૭ લાખના મુદામાલની ચોરી કરવામાં આવી હતી જેની ફરિયાદ આધારે આરોપીને પકડવા માટે તજવીજ કરવામાં આવી રહી હતી અને આ ગુનામાં બંગલાના જૂના ચોકીદાર રામબહાદુર ઉર્ફે જોખીયા ગુલજે નવલસીંગ વિશ્ર્વકર્મા જાતે નેપાળી (૫૫), મનીષ કૈલાશ ઉર્ફે કેલે વિશ્વકર્માં જાતે નેપાળી (૩૦) અને દર્શના મનીષભાઇ વિશ્ર્વકર્મા જાતે નેપાળી (૩૩) રહે. ત્રણેય મૂળ નેપાળ અને હાલ મોરબી વાળાની ધરપકડ કરી હતી અને તે આરોપીઓ હાલમાં રિમાન્ડ ઉપર છે ત્યારે પોલીસે આ ગુનામાં બંગલાના જૂના ચોકીદાર રામબહાદુર ઉર્ફે જોખીયાના દીકરા વિનોદ રામબહાદુર ઉર્ફે જોખીયા વિશ્ર્વકર્મા જાતે નેપાળી (૨૩) રહે. હાલ કર્મપેલેસ એપાર્ટમેંટ નરસંગ ટેકરી પાસે મોરબી મૂળ રહે નેપાળ વાળાની પીઆઈ એચ.એ. જાડેજા અને તેની ટિમ દ્વારા ધરપકડ કરવામાં આવી છે અને તેની પાસેથી ૭૨૦૦૦ રોકડા એક સોનાની વિટી, બે સોનાના પાટલા સહિત કુલ મળીને ૧.૩૧ લાખનો મુદામાલ કબજે કરવામાં આવેલ છે અને આ આરોપીને રિમાન્ડની માંગણી સાથે કોર્ટમાં રજૂ કરવામાં આવતા કોર્ટે આરોપીના ૩ દિવસના એટલેકે તા ૧૧ સુધીના રિમાન્ડ મંજૂર કરેલ છે
