મોરબીમાં આગમી લોકઅદાલત સુધીમાં ઈ-મેમો ન ભરનારા વાહન ચાલકો સામે નોંધાશે ગુના

મોરબી શહેરમાં કાયદો-વ્યવસ્થા જળવાઇ તેમજ નાગરીકો ટ્રાફીક નિયમોનું પાલન કરે તે હેતુથી મોરબી શહેરમાં લાગેલ સીસીટીવી કેમેરા મારફતે ટ્રાફીક નિયમોનો ભંગ કરતા લોકોને ઇ-ચલણ ઇશ્યુ કરવામાં આવે છે. ત્યારે મોરબી જિલ્લા ખાતે ટ્રાફીક નિયમ ભંગ બદલ ઇસ્યુ કરાયેલ ઇ-ચલણો પૈકી જે વાહનચાલકોએ આજદિન સુધી દંડ ભરપાઇ કરેલ નથી તેવા વાહનચાલકો વિરૂધ્ધ જિલ્લા કાનુની સેવા સતામંડળ મોરબી દ્વારા કોર્ટ નોટીસો કાઢી મોકલી આપવામાં આવેલ છે.

મોરબીમાં ઇ-ચલણો ભરવાના બાકી હોય તેવા ૧૯૩૦ કેસ છે જે આગામી તા.૧૩/૫/૨૦૨૩ ના રોજ યોજાનાર લોકઅદાલતમાં મુકવામાં આવેલ છે. જે સંદર્ભે જિલ્લા કાનુની સેવા સતામંડળ મોરબી દ્વારા નોટીસોની બજવણી કરવામા આવેલ છે. આ લોકઅદાલત બાદ પણ જો કોઇ મેમો ભરશે નહી તો તેઓ વિરૂધ્ધ ફોજદારી કાર્યવાહી કરાશે જેથી આપનું ઇ-ચલણ ભરવાનું બાકી હોય તો તારીખ ૧૩/૫/૨૦૨૩ પહેલા ટ્રાફીક શાખા- રૂમ નં-૧૧, પોલીસ અધિક્ષકની કચેરી, જીલ્લા સેવા સદન કેમ્પસ, સો-ઓરડી સામે, મોરબી-૨ અથવા શનાળા પોલીસ ચોકી, ઉપરના માળે, છોટાલાલ પેટ્રોલ પંપની બાજુમાં, શનાળા રોડ, મોરબી-૧ ખાતે ભરવા જાણ કરવામાં આવી છે અને વાહન ચાલકોએ ઓનલાઇન ઇ-ચલણ ચેક કરવા અને ભરવા માટે પ્લે સ્ટોર પરથી VISWAS નામની એપ્લીકેશન ડાઉનલોડ કરી શકો છો અથવા https://echallanpayment.Gujarat.gov.in વેબસાઇટ પરથી ચલણ ભરી શકે છે તેમજ વધુ માહિતી માટે ફોન ન:- ૦૨૮૨૨-૨૪૨૬૨૫ ઉપર સંપર્ક કરવા જણાવ્યુ છે