મોરબીમાં પ્રદેશ ભાજપ પ્રમુખ સી.આર. પાટિલ કરશે કમલમનું ખાતમુહૂર્ત

મોરબીમાં શનાળા બાયપાસ પાસે કમલમનું નિર્માણ કરવામાં આવનારા છે જેનું પ્રદેશ ભાજપ પ્રમુખ સી.આર. પાટીલના હસ્તે તા ૧૯ ના રોજ ખાતમુહૂર્ત કરવામાં આવશે.

રાજ્યના દરેક જીલ્લામાં કમલમનું નિર્માણ કરવામાં આવી રહ્યું છે ત્યારે મોરબી જિલ્લામાં ભાજપનું કાર્યાલય બનાવવા માટેની કામગીરી શરૂ કરવામાં આવી છે અને હાલના મોરબી જિલ્લા ભાજપના પ્રમુખ રણછોડભાઈ દલવાડીએ જણાવ્યું છે કે, હાલમાં મોરબી જિલ્લા ભાજપનું કાર્યાલય શનાળા રોડે રામ ચોક પાસે આવેલ છે જો કે, મોરબી જિલ્લામાં કમલમનું નિર્માણ કરવાની જાહેરાત કરવામાં આવી છે અને મોરબીના શનાળા બાયપાસ પાસે કમલમનું નિર્માણ કરવામાં આવશે. જેની આગામી તા ૧૯ ના રોજ ગુજરાત પ્રદેશ ભાજપ પ્રમુખ સી.આર. પાટીલના હસ્તે ખાતમુહૂર્ત કરવામાં આવશે.