મોરબીના શનાળા રોડે જાહેરમાં ચલણી નોટ આધારે જુગરા રમતા આઠ જુગારી ૫૧,૭૦૦ ની રોકડ સાથે પકડાયા
Morbi Today
મોરબીના મકનસર અને ટીંબડીના પાટીયા પાસેથી બિનઅધિકૃતપણે ખનીજ પરિવહન કરતાં બે વાહનો પકડાયા
SHARE
JOIN OUR GROUP
મોરબીના મકનસર અને ટીંબડીના પાટીયા પાસેથી બિનઅધિકૃતપણે ખનીજ પરિવહન કરતાં બે વાહનો પકડાયા
મોરબી ખાણ ખનીજ વિભાગ દ્વારા બે જુદાજુદા વિસ્તારોમાંથી બિનઅધિકૃતપણે ખનીજ પરિવહન કરતા બે વાહનોને પકડીને દંડ વસૂલવાની કાર્યવાહી હાથ કરવામાં આવેલ છે.
જાણવા મળતી વિગતો પ્રમાણે ખાણ ખનીજ વિભાગના આર.કે કણસાગરા તથા સ્ટાફે મોરબીના મકનસર ગામ પાસે વોચ રાખી હતી અને દરમિયાનમાં ત્યાંથી નીકળેલા વાહન નંબર જીજે ૩૬ વી ૪૮૬૪ ને અટકાવીને તેના ચાલક અજીતસિંહ ખતુભા જાડેજા રહે.મકનસર વાળા પાસે વાહનમાં ભરેલ ખનીજ અંગે પરવાનો તથા પાસ પરમિટ માંગવામાં આવ્યા હતા જોકે તેઓ પાસે ખનીજ પરિવહન અંગેનો કોઈ આધાર પુરાવો ન હોય દંડ વસુલવાની કાર્યવાહી અર્થે વાહનને તાલુકા પોલીસ હવાલે કરવામાં આવ્યું હતું.તે રીતે જ ખાણ ખનીજ વિભાગની ફલાઈંગ સ્કવોડના જે.એન.કરમુર તેમજ સ્ટાફ દ્વારા મોરબીના માળિયા હાઇવે ઉપર આવેલા ટીંબડીના પાટીયા પાસે વોચ રાખવામાં આવી હતી જે દરમિયાનમાં ત્યાંથી નીકળેલ વાહન નંબર જીજે ૧૦ ટીવાય ૫૦૦૪ ને અટકાવીને તેના ચાલક હમીદ શબ્બીર કક્કલ રહે.સચાણા જી.જામનગર વાળા પાસે તેમાં ભરેલ ખનીજ અંગે આધાર પુરાવા માંગવામાં આવ્યા હતા જો કે તેની પાસે પણ પોતાના વાહનમાં ભરેલા ખનીજ બાબતે કોઈ આધાર પુરાવા ન હોય દંડ વસૂલવાની કાર્યવાહી અર્થે વાહનને મોરબી તાલુકા પોલીસ હવાલે કરવામાં આવ્યું હતું.
વાહન અકસ્માતના ગુનામાં ધરપકડ
મોરબી તાલુકા પોલીસ મથકની હદમાં આવેલા વાંકાનેર હાઇવે ઉપરના જાંબુડીયા ઓવર બ્રિજ પાસે થોડા સમય પહેલા વાહન અકસ્માતનો બનાવ બન્યો હતો જેમાં ટુ-વ્હીલર અને ડમ્પર વચ્ચે સર્જાયેલા વાહન અકસ્માતમાં એક વ્યક્તિનું મોત નીપજ્યું હતું.બાદમાં તે અંગે ગુનો દાખલ કરવામાં આવ્યો હતો જે બનાવમાં મોરબી તાલુકા પોલીસ મથકના પીએસઆઇ બી.એમ.બગડા તથા રાઇટર વાસુદેવ સોનગરા દ્વારા અકસ્માત સર્જનાર ટ્રક ચાલક પ્રતાપ મેઘાભાઈ મકવાણા (૨૮) રહે.ભુટકિયા ભીમાસર તાલુકો રાપર જિલ્લો કચ્છ વાળાની ધરપકડ કરવામાં આવી હતી. તેમજ મોરબી તાલુકા પોલીસ સ્ટેશન ખાતે નોંધાયેલ વધુ એક અકસ્માતના બનાવમાં એક વ્યક્તિનું મોત નીપજ્યું હતું અને તે ગુનામાં બાદમાં નોંધાયેલ ફરીયાદમાં તાલુકા પીએસઆઅ બી.એમ.બગડાએ વાહન ચાલક ફિરોઝ મુસાભાઇ કમોરા જાતે મિંયાણા (૩૦) રહે.પીપળીયા ચોકડી પાસે નીરૂબેનનગર તાલુકો માળીયા જીલ્લો મોરબી વાળાની ફેટલના ગુનામાં ધરપકડ કરી હતી.
મારામારીમા ઈજા
મોરબીના ઘાંચી શેરી વિસ્તારમાં રહેતા રૂકશાનાબેન ઈબ્રાહીમભાઇ અબાસણીયા નામની ૨૦ વર્ષની મહિલાને તેના ઘર નજીક મારામારીના બનાવમાં ઈજા થતાં સારવાર માટે સિવિલે લાવવામાં આવ્યા હતા.તેમજ મોરબીના શનાળા કંડલા બાયપાસ ઉપર આવેલા ગોકુલનગર વિસ્તારમાં રહેતો વિજય મંગાભાઈ શિયાળ નામનો યુવાન અગમ્ય કારણોસર ફીનાઇલ પી ગયો હતો જેથી તેને પણ સારવાર માટે સિવિલે લાવવામાં આવ્યો હતો અને આ બનાવ અંગે હોસ્પિટલ ખાતેથી જાણ થવાથી એ ડિવિઝન પોલીસ મથકના વિપુલભાઈ ફુલતરૂયા તપાસ માટે પહોંચ્યા હતા.જોકે તેઓ પહોંચ્યા તે પહેલા જ ઉપરોક્ત બંને સારવાર લઈને હોસ્પિટલમાંથી રજા લઈને ચાલ્યા ગયા હતા.!
