મોરબીના પીપળી પાસે મારુતિ સોસાયટીમાં પાણી પ્રશ્ને રોડ કર્યો ચક્કાજામ

મોરબીના જેતપર રોડે આવેલ પીપળી પાસે આવેલ મારુતિ પાર્કમા છેલ્લા એક વર્ષથી પાણીની સમસ્યા છે જેને ઉલેકવામાં આવતી નથી જેથી કરીને લોકો રોષે ભરાયા હતા અને સ્થાનિક મહિલાઓ સહિતના લોકોએ હાઇવે ઉપર ચક્કાજામ કર્યો હતો જેથી કરીને ત્રણ કિલો મીટર સુધી ટ્રાફિકજામ થઈ ગયો હતો

મોરબીના પીપળી ગામ પાસે આવેલ મારુતિ સોસાયટીમાં પીવાના પાણી સમસ્યા છે જે ઉકેલવા માટે રજૂઆતો કરી છે તો પણ કોઈ કામ કરતાં નથી જેથી કરીને સ્થાનિક લોકો રોષે ભરાયા હતા અને પીપળી પાસે રોડ ઉપર આવી ગયા હતા અને રસ્તા ઉપર ચક્કાજામ કર્યો હતો વધુમાં લોકોએ કહ્યું હતું કે, સ્થાનિક લોકોએ અત્યાર સુધીમાં ૬૧ હજાર રૂપિયા આપેલ છે તો પણ કામ કરવામાં આવેલ નથી જેથી કરીને પાણી ન મળતા લોકો હેરાન થઈ રહ્યા છે જેથી કંટાળીને લોકો રોડ ઉપર આવી ગયા હતા અને ત્રણ કિલો મીટર સુધી ટ્રાફિકજામ થઈ ગયો હતો ત્યાર બાદ પોલીસે ત્યાં આવીને ટ્રાફિક ક્લિયર કરાવ્યો હતો