મોરબીના સાયન્ટિફિક રોડે જાહેરમાં જુગાર રમતા ૭ જુગારી ૧૦,૬૦૦ ની રોકડ સાથે પકડાયા
Morbi Today
હળવદમાં સુપર કેરી વાહનના ચાલકે કાવુ મારતા સમયે બાઇકને હડફેટે લેતા યુવાનનું મોત
SHARE
JOIN OUR GROUP
હળવદમાં સુપર કેરી વાહનના ચાલકે કાવુ મારતા સમયે બાઇકને હડફેટે લેતા યુવાનનું મોત
હળવદ તાલુકાના સિરોઇ ગામે રહેતો અને ખેતી કામ કરતો યુવાન હળવદમાં વિનોબા ગ્રાઉન્ડ પાસેથી બાઇક લઈને પસાર થઈ રહ્યો હતો ત્યારે સુપર કેરી ગાડીના ચાલકે ગફલત ભરી રીતે કાવું મારતા તેના બાઇકને હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં યુવાનને માથાના પાછળના ભાગે ઇજા થઈ હતી જેથી તે યુવાનનું મોત નીપજયું હતું અને આ બનાવ સંદર્ભે હાલમાં મૃતક યુવાનના ભાઈ દ્વારા વાહન ચાલક સામે હળવદ તાલુકો પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે.
બનાવની જાણવા મળતી માહિતી પ્રમાણે હળવદ તાલુકાના શિરોઇ ગામે રહેતા મનોજભાઈ મોહનભાઈ સિહોરા જાતે કોળી (૪૨)એ હાલમાં સુપર કેરી ગાડી નંબર જીજે ૩૬ વી ૫૧૧૩ ના ચાલક સામે હળવદ તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેણે જણાવ્યુ છે કે હળવદમાં આવેલ વિનોબા ગ્રાઉન્ડ પાસે દશામાના મંદિર પાસેથી તેનો ભાઈ સુરેશભાઈ મોહનભાઈ સિહોરા જાતે કોળી (૩૫) પોતાનું બાઈક નંબર જીજે ૩૬ એન ૨૧૧૪ લઈને પસાર થઈ રહ્યો હતો ત્યારે સુપર કેરી ગાડીના વાહન ચાલકે બેફિકરાઈથી કાવું મારતા તેના ભાઈના બાઈકને હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં ફરિયાદીના ભાઈને માથાના પાછળના ભાગે ગંભીર ઇજા થઈ હોવાથી તેનું મોત નીપજયું હતું. જે બનાવ સંદર્ભે હાલમાં મૃતક યુવાનના ભાઈ દ્વારા ફરિયાદ નોંધાવવામાં આવતા પોલીસે અકસ્માત સર્જનાર વાહનચાલક સામે ગુનો નોંધી આરોપીને આરોપીને પકડવા માટે તજવીજ શરૂ કરેલ છે.
