મોરબીમાં જેટકોની પોલ ક્લાઈમ્બિંગ ટેસ્ટ માટે આવેલ ઉમેદવારોમાં કહી ખુશી કહી ગમ

મોરબીના જેતપર રોડ ઉપર આવેલ પીપળી ગામ પાસે જેટકોની વર્તુળ કચેરી ખાતે આજે પોલ ક્લાઈમ્બિંગ ટેસ્ટનું આયોજન કરવામાં આવ્યું હતું અને જુદા જુદા ત્રણ સેન્ટર ઉપરથી 580 જેટલા ઉમેદવારોને મોરબી બોલાવવામાં આવ્યા હતા અને આ પોલ કલાઇમ્બિંગ ટેસ્ટ થી ઉમેદવારોમાં કંઈ ખુશી કહી ગમ જેવો ઘાટ જોવા મળ્યો હતો

જેટકોમાં ૧૨૦૦ થી વધુ કર્મચારીની ભરતી કરવા માટે થઈને અગાઉ પોલ ક્લાઈમ્બિંગ ટેસ્ટ તેમજ લેખિત પરીક્ષા લેવામાં આવી હતી અને ત્યારબાદ એક ઉમેદવારે વાંધો લેતા આ ભરતી પ્રક્રિયાને રદ કરવા માટેનો નિર્ણય કરવામાં આવ્યો હતો ત્યારબાદ સરકારે ભરતી પ્રક્રિયાને રદ કરવાના બદલે તમામે તમામ લોકોને પોલ કલાઇમ્બિંગ ટેસ્ટ માટે બોલાવ્યા છે અને પોલ કલાઇમ્બિંગ ટેસ્ટમાં પાસ થનાર ઉમેદવારોની લેખિત પરીક્ષા લેવામાં આવશે તે પ્રકારનું આયોજન કરવામાં આવ્યું છે જેના ભાગરૂપે મોરબી નજીકના જેતપર રોડ પર આવેલ પીપળી ગામ પાસે જેટકોની વર્તુળ કચેરી ખાતે આજે સુરેન્દ્રનગર, જામનગર અને અંજાર ખાતે એપ્રેન્ટિસિપ કરનારા ૫૮૦ જેટલા ઉમેદવારોને પોલ ક્લાઇમ્બિંગ ટેસ્ટ માટે બોલાવવામાં આવ્યા હતા અને ત્યારે પોલ ક્લાઈમ્બિંગ ટેસ્ટ દેવા માટે તેને આવેલા ઉમેદવારોમાં કંઈ ખુશી કહીં ગમ જેવો માહોલ જોવા મળ્યો હતો