મોરબીની ઓસેમ સ્કુલ ખાતે કોમર્સના વિદ્યાર્થીઓ દ્વારા કોર્પોરેટ ડે ઉજવાયો
Morbi Today
થર્ટી ફસ્ટની પૂર્વે ડીવાયએસપીની હાજરીમાં મોરબીમાં પોલીસનું ફૂટ પેટ્રોલીંગ, મુખ્યમાર્ગોના દબાણો યથાવત
SHARE
JOIN OUR GROUP
થર્ટી ફસ્ટની પૂર્વે ડીવાયએસપીની હાજરીમાં મોરબીમાં પોલીસનું ફૂટ પેટ્રોલીંગ, મુખ્યમાર્ગોના દબાણો યથાવત
છેલ્લા દિવસોમાં મોરબી જીલ્લાના જુદાજુદા પોલીસ સ્ટેશનના વિસ્તારમાંથી મોટા પ્રમાણમાં દારૂનો જથ્થો પોલીસની જુદીજુદી ટીમો દ્વારા પકડવામાં આવ્યો છે તેમ છતાં પણ યેન કેન પ્રકારે બુટલેગરો દ્વારા પ્યાસીઓ સુધી માલ પહોચાડવા માટેની વ્યવસ્થા કરી જ લેવામાં આવી છે તેવા સમયે થર્ટી ફસ્ટ પૂર્વે ડીવાયએસપી પી.એ. ઝાલાની હાજરીમાં મોરબીમાં પોલીસનું ફૂટ પેટ્રોલીંગ કરવામાં આવ્યું હતું જેમાં એલસીબી, એસઓજી, એ ડિવિઝનના પોલીસ અધિકારી અને કર્મચારીઓ હાજર રહ્યા હતા આ ઉપરાંત જિલ્લા ૩૧મી ડિસેમ્બર એટલે વર્ષનો છેલ્લા દિવસ સુધી આ પ્રકારની ઝુંબેશ ચાલુ જ રાખવામા આવશે અને કોઈ કાયદાનો ભંગ ન કરે તેના માટે ફાર્મ હાઉસ સહિતના સ્થળોને ચેક કરવામા આવશે તેમજ જીલ્લામા દરેક પોલીસ સ્ટેશન વિસ્તારના જવાબદાર અધિકારી દ્વારા પાતેપાતાના વિસ્તારમાં ચેકિંગ કરાશે તેમજ ૬ ચેક પોસ્ટ બનાવીને સઘન વાહન ચેકીંગ કરવામાં આવશે.
જોકે મોરબીના નગર દરવાજા ચોક, શાક માર્કેટ ચોક, નવા બસ સ્ટેશન, જુના બસ સ્ટેશન સહિતના મુખ્ય માર્ગો ઉપર આડેધડ વાહન પાર્કિંગ પણ ન થઈ શકે તે રીતે જે દબાણો ખડકાયેલા છે તે દબાણોની સામે આંખ આડા કાન કરીને યથાવત રાખવામાં આવ્યા હતા..! (કારણ શું હશે તે સૌ કોઇ જાણે છે કહેવાની જરૂર નથી.) જે બાબત નાગરિકો અને વેપારીઓમાં પણ ચર્ચાનો વિષય બની રહી છે.
