માળિયા (મી)ના નાના દહીંસરા ગામના સરપંચને હોદા પરથી હટાવતા ડીડીઓ

મોરબી જિલ્લાના જુદાજુદા ગામમાં સતાનો દૂર ઉપયોગ કરનારા સ્પંચોની સામે કડક કાર્યવાહી ડીડીઓ દ્વારા કરવામાં આવી રહી છે ત્યારે માળિયાના નાના દહીંસરા ગામના સરપંચે ગૌચરની જમીનમાં ખોદકામ કર્યું હતું અને પોતાના અંગત ઉપયોગ માટે માટી લેનારા સરપંચને હોદા ઉપરથી ડીડીઓએ હટાવવા આદેશ કરેલ છે

માળિયા (મી)ના નાના દહીંસરા ગામે ગ્રામ પંચાયતના સરપંચ પ્રવિણભાઇ ગણેશભાઈ ભટાસણાએ પોતાની સતાનો દુરુપયોગ કર્યો હતો અને પોતાના અંગત ફાયદા માટે ગૌચરની જાળવણી કરવાને બદલે ગૌચરની જમીનમાંથી ૮૦ મીટર લાંબુ, ૧૫ મીટર પહોળું તેમજ ૨ મીટર ઊંડું ખોદકામ કરીને માટીનો ઉપયોગ કર્યો હતો આ ઘટનાને ગંભીરતાથી લઈને ડીડીઓ દિગ્વિજયસિંહ ડી. જાડેજાએ આકરા પગલાં લીધેલ છે અને ગુજરાત પંચાયત અધિનિયમ-૧૯૯૩ ની કલમ-૫૭(૧) હેઠળ પ્રવિણભાઇ ભટાસણાને સરપંચનાં હોદ્દા પરથી દૂર કરવામાં આદેશ કરેલ છે